Foto: UQK baspasóz qyzmeti
Ulttyq qaýipsizdik komiteti psihotroptyq zattar óndiretin iri esirtki laboratoriiasyn joidy, - dep habarlaidy "Ult aqparat" vedomstvonyń baspasóz qyzmetine silteme jasap.
Zańsyz ainalymnan sintetikalyq esirtkiniń rekordtyq partiiasy – 200 keli daiyn ónim men 15 tonna prekýrsorlar jáne zerthanalyq qural-jabdyqtar tárkilengen.
"Zerdeleý barysynda jedel qyzmetkerlerdiń nazaryna Qazaqstanǵa tyiym salynǵan zattardyń aýqymdy óndirisin uiymdastyrý jáne ony ári qarai TMD elderinde iske asyrý maqsatynda kelgen sheteldik azamat ilikti.
Sondai-aq, jedel is-sharalardy jalǵastyrý barysynda Túrkistan oblysyndaǵy jasyryn óndiris bazasy anyqtaldy.
Esirtki zerthanasy zamanaýi quraldarmen jabdyqtalyp, 0.4 gektar aýmaqta ornalasqan jáne qorshaý boiymen beine baqylaý kameralary men qozǵalys sensorlary qoiylǵanyn atap ótý qajet. Qaskúnem qupiialyq sharalaryn qatań saqtap kelgen.
Uiymdastyrýshy «alfa-PVP» psihotroptyq zatyn ázirleý sátinde, iaǵni qolma-qol qylmys ústinde ustaldy", - delingen habarlamada.
Atalǵan derek boiynsha UQK sotqa deiingi tergeý materialyn tirkedi.
