Foto: UQK baspasóz qyzmeti
Ulttyq qaýipsizdik komiteti esirtki kontrabandasyna qatysy bar halyqaralyq esirtki sindikaty áreketin beitaraptandyrdy, - dep habarlaidy "Ult aqparat" vedomstvonyń baspasóz qyzmetine silteme jasap.
Jedel jete tekserý barysynda sheteldik azamattardyń Qazaqstan aýmaǵyna teńiz jolymen opiattar men basqa da tyiym salynǵan zattardy jetkizýdiń turaqty arnasyn uiymdastyrýǵa qatysy bary anyqtalǵan.
"Jedel qyzmetkerler Kaspii sý ailaǵy arqyly esirtkini tasymaldaý baǵdarlary men tásilderin egjei-tegjeili aiqyndady. Esirtki tobynyń músheleri olardy anyqtaýda qiyndyq týdyrǵan qazirgi zamanǵy spýtniktik navigatsiia quraldarymen jáne GPS-pen jabdyqtalǵan shaǵyn jyldam júretin kemelerdi paidalanǵany týraly aita ketý kerek.
26 naýryzda Mańǵystaý oblysynda operatsiianyń aiaqtalý kezeńinde UQK men "A" arnaiy bólimshesiniń qyzmetkerleri esirtki arnasyn uiymdastyrýshyny jáne onyń úsh kómekshisin ustady", - delingen habarlamada.
Olardy ustaý UQK Shekara qyzmetiniń katerlerimen jaǵalaý aimaǵyn bógeý arqyly júrgizilgen. Baqylaý ushqyshsyz ushý apparattaryn (UUA) paidalaný jolymen júzege asyrylǵan.
"Kontrabandashylardyń sý kóligin tekserý kezinde 30 keliden asa apiyn jáne 10 qaptama "metadon" psihotroptyq zaty tabyldy.
Osy is boiynsha material STBT-da tirkeldi, tergeý is-sharalary prokýratýra organdarymen ózara is-qimylda júrgizilip jatyr", - UQK málimetinde.
