Sýret: ashyq derekkóz
Alaiaqtar qazaqstandyqtarǵa kúshtik qurylymdardyń, sonyń ishinde ulttyq qaýipsizdik komiteti basshylarynyń atyn jamylyp, qońyraý shalyp, habarlama tarata bastaǵan, dep habarlaidy "Ult aqparat".
Ulttyq qaýipsizdik komitetiniń Telegram-daǵy resmi arnasynda jariialanǵan málimet boiynsha, alaiaqtyq áreket faktileri jiilep ketken, onda shabýyldaýshylar kúshtik qurylymdardyń, sonyń ishinde ulttyq qaýipsizdik komitetiniń basshylarynyń atynan habarlasa bastaǵan.
Vedomstvo ókilderi alaiaqtar atap aitqanda, telefon qońyraýyn shalyp nemese ózderiniń múddesi úshin qarjylyq jáne basqa operatsiialardy júrgizý týraly ótinishteri nemese talaptary bar mátindik habarlamalar jiberetinin alǵa tartady.
"Bul rette azamattarǵa olardyń atyna qylmystyq maqsatta paidalanylǵan aqshalai nesie resimdelgeni tárizdi, sondai-aq qylmystyq jaýaptylyqqa tartylatyny jaily qorqytý habarlama keledi. UQK simvolikasy bar arnaiy daiyndalǵan qujattar faildary jii jiberiledi (qyzmettik kýálik, hattar men buiryqtardyń firmalyq blankileri). Esterińizge sala keteiik, UQK qyzmetkerleri qyzmettik mindetterin atqarý kezinde azamattarǵa qandai da bir qarjylyq operatsiialar júrgizýdi usynýǵa ókilettigi joq", - delingen habarlamada.
UQK ókilderi osyndai jaǵdaiǵa tap bolǵan jaǵdaida, tezarada áńgimeni ne hat jazysýdy toqtatyp, 102 telefony boiynsha politsiiaǵa júginýge keńes beredi.
