Qazaqstanda birneshe memlekettik organǵa tótenshe jaǵdai kezinde jeli men bailanys quraldaryn buǵattaýǵa ruqsat etildi, dep habarlaidy "Ult aqparat" Sputnik agenttigine silteme jasap.
Úkimet qaýlysyna tiisti ózgertýler engizilgen.
Qazaqstanda internet qashan buǵattalady?
Budan bylai elimizde qaýip tóngende nemese áleýmettik, tabiǵi jáne tehnogendi sipattaǵy tótenshe jaǵdai týyndaǵanda, sondai-aq tótenshe jaǵdai engizilgende jeli men bailanys quraldarynyń qyzmeti toqtatylýy múmkin.
Biraq úkimettik jáne prezidenttik bailanys quraldary buǵattalmaidy.
Internetti kim buǵattaidy?
Bas prokýratýra, Ulttyq qaýipsizdik komiteti, ishki ister ministrligi men qorǵanys ministrligine jeli jáne bailanys quraldaryn paidalanýda basymdyqqa berilip, buǵattaý quqyǵyna ie boldy.
Budan buryn Ulttyq qaýipsizdik komiteti málimdegendei, bul qazaqstandyqtardy únemi ańdyp otyrady degen sóz emes, sebebi "elimizdegi qaýipsizdik júieleri azamat ózin qaýipsiz sezinip, alańsyz jumys isteýine baǵyttalǵan".
