Qazaqstandyq muǵalimder ata-analardan keletin habarlamalarǵa keshki saǵat 18:00-den keiin jaýap bermeýge quqyly bolýy múmkin. Bul týraly Oqý-aǵartý ministri Juldyz Súleimenova málimdedi, dep habarlaidy ult.kz.
Ministrdiń aitýynsha, ata-analar chattarynda suraqtardy jumys ýaqytynda, iaǵni saǵat 18:00-ge deiin qoiǵan jón.
«Bizdiń ustanymymyz naqty: ata-analar chattarynda saǵat 18:00-ge deiin suraqtar qoiýǵa bolady dep esepteimiz. Al 18:00-den keiin ár muǵalimniń jeke ómiri bar jáne ony qurmetteý qajet», – dedi Juldyz Súleimenova.
Onyń sózinshe, biyl «Pedagog mártebesi týraly» zańǵa ózgerister engizilip, muǵalimderdiń sabaq kezindegi jáne sabaqtan tys ýaqyttaǵy mindetteri, sondai-aq mektep pen oqý protsesine qatysty jaýapkershiligi naqty aiqyndalmaq.
Ministr bul bastama pedagogterdiń jumys pen jeke ómir arasyndaǵy tepe-teńdigin saqtaýǵa múmkindik beretinin atap ótti.
Juldyz Súleimenova qazirgi tańda Qazaqstannyń Oqý-aǵartý ministri qyzmetin atqarady.
