Sýret: gov.kz
QR Ulttyq qaýipsizdik komiteti Qyrǵyzstan Ishki ister ministirligimen birge birneshe satyly arnaiy operatsiia nátijesinde aýyr esirtkilerdi kontrabandalyq jolmen ákelýdiń turaqty arnasynyń jolyn kesti, dep habarlaidy "Ult aqparat" vedomstvonyń baspasóz qyzmetine silteme jasap.
"UQK qyzmetkerleri jedel zerdeleý barysynda esirtki trafikterin qalyptastyratyn elderde Qazaqstan arqyly ózge shet elderge shyǵarýǵa arnalǵan apiyn tektes esirtkilerdiń iri partiiasy jinaqtalǵany jaiynda aqparatqa qol jetkizdi.
Kezeń-kezeńimen esirtki tasymaldaýdyń joldary jáne ailamen ákelý shemalary anyqtaldy. Arnaiy is-sharalar nátijesinde esirtki ótkizýdi uiymdastyrýshynyń ózi bolyp tabylatyn sheteldik azamattyń Qazaqstanǵa keletini týraly naqty málimet alyndy.
Jedel qyzmetkerlerdiń jáne «A» Arnaiy maqsattaǵy qyzmettiń kelisilgen áreketteriniń arqasynda Almaty qalasynda 100 keliden asa geroindy tasymaldaý kezinde esirtki arnasynyń uiymdastyrýshysy ustaldy" - delingen habarlamada.
Material sotqa deiingi tergeýdiń biryńǵai tizilimine tirkeldi. Tergeý amaldary júrgizilip jatyr.
