.png)
Memleket basshysynyń 11 qańtarda Parlament Májilisiniń jalpy otyrysynda jáne 27 qańtarda Qaýipsizdik Keńesiniń otyrysynda bergen tapsyrmalaryn oryndaý úshin Ulttyq qaýipsizdik komiteti vedomstvonyń qyzmetin qaita formattaý jónindegi jumysty bastady, dep habarlaidy QazAqparat.
UQK organdarynyń, onyń ishinde Shekara qyzmeti men «A» Arnaýly maqsattaǵy qyzmetiniń qurylymyn, mindetteri men fýnktsiialaryn baǵalaý jáne ońtailandyrý boiynsha arnaiy jumys toby quryldy.
Terrorizmge, transulttyq uiymdasqan qylmysqa jáne halyqaralyq esirtki biznesine qarsy kúres, sondai-aq ekonomikalyq qaýipsizdikti qamtamasyz etý bólimsheleriniń qyzmetin qaita qurý jáne nyǵaitý máseleleri jeke shyǵaryldy. Jeke quramnyń jaýyngerlik daiyndyǵyn kúsheitý boiynsha sharalar ázirlendi.
Terrorizmge qarsy kúres jónindegi respýblikalyq jedel shtab kúshtik qurylymdar men memlekettik organdardyń TQO rejimi jaǵdaiyndaǵy birlesken is-qimyldaryna olardy jetildirý jónindegi sharalardy ázirlei otyryp taldaý júrgizýde.
Bul jumystyń nátijesi ulttyq qaýipsizdik organdarynyń jedel-qyzmettik is-qimylyn uiymdastyrýdyń qurylymy men tásilderin qaita uiymdastyrý bolady.
