Shekarashylar Almaty qalasynyń strategiialyq mańyzy bar nysandaryn basyp alýǵa jol bermedi, dep habarlaidy QazAqparat UQK baspasóz qyzmetine silteme jasap.
Komitettiń málimetinshe, Shekara qyzmeti Almaty oblysy boiynsha departamentiniń jeke quramy quqyq qorǵaý organdarymen jáne áskeri qurylymdarmen birlese otyryp, Almaty qalasynyń ákimshiligi men strategiialyq mańyzy bar nysandaryn qorǵaýǵa tikelei qatysqan.
«Miting kezinde qylmyskerler «Kóktóbe» teledidar men radiohabar munarasyn basyp alýǵa tyrysty, osylaisha banditter aqparattyq basymdyqqa ie bolyp, óz talaptaryn qoiýdy kózdegen edi, alaida shekarashylar shabýylǵa toitarys berdi», - delingen habarlamada.
Sonymen qatar, shekarashylar «Medeý» selden qorǵaý bógetiniń perimetrin de baqylaýǵa aldy.
«Kontrterroristik operatsiianyń belsendi kezeńinde departamenttiń áskeri qyzmetshileri UQK Shekara qyzmetiniń arnaiy bólimshesimen birge qylmyskerlerdi, sondai-aq zańsyz jolmen shetel asyp jasyrynýǵa tyrysqan adamdardy anyqtaý jáne ustaý jumystaryn júzege asyrdy», - delingen habarlamada.
Qazir shekara áskerleriniń bólimsheleri nysandarda jaýyngerlik kezekshilikti atqarýda.
