Qazaqstannyń Ulttyq qaýipsizdik komiteti tóraǵasynyń orynbasary Nurǵali Bilisbekov qazaqstandyq stýdenttiń Sankt-Peterbýrgte terakt uiymdastyrǵan lańkes retinde qarastyrylmaitynyn aitty, - dep habarlaidy kaz.tengrinews.kz.
"Kórshi elderdiń arnaiy qyzmet ókilderimen terrorlyq aktige qatysy bar Resei azamaty týraly málimetterdi qarastyryp jatyrmyz, ol Ortalyq Aziiadan shyqqan - Qazaqstan azamaty emes. Osyǵan deiin, BAQ betterinde Qazaqstan azamaty 1996 jylǵy Maksim Aryshevtyń metrodaǵy jarylysqa qatysy bar bolýy múmkin degen aqparattar shyqqan. Resei Federatsiiasynyń arnaiy qyzmetteri onyń jarylys kezinde dál ortasynda bolǵany, jarylysty uiymdastyrýshy emes, qurbany bolǵanyn aityp otyr", - dep túsindirdi Nurǵali Bilisbekov.
Ol UQK-niń intensivti túrde aqparat almasyp otyrǵanyn jáne aldaǵy ýaqytta osy oqiǵanyń mán-jaiy tolyǵymen anyqtalatynyn aitty. Sońǵy málimetter boiynsha 11 adam qaza taýyp, 50 adam jaralanǵan.
Bilisbekov RF Bas prokýratýrasy Máskeý ýaqytymen 16:30-da metrodaǵy jarylysty terrorlyq akt dep resmi túrde jariialaǵanyn aitty.
QR Syrtqy ister ministrligi baspasóz qyzmetiniń basshysy Ánýar Jainaqov Sankt-Peterbýrg metrosynda bolǵan jarylystan keiin izdestirilip jatqan qazaqstandyq Maksim Aryshevtyń ata-anasy Reseige ushyp ketti. "Maksim Aryshevtyń ata-anasy Sankt-Peterbýrgke ushyp ketti. Máskeý ýaqyty boiynsha saǵat 07.05-te olar sol jaqqa jetip, Sankt-Peterbýrgtegi bas konsýlmen kezdesýi kerek", - dedi Ánýar Jainaqov.
Reseidegi Qyrǵyzstan Elshiligi diplomatiialyq arnalar arqyly Djalilovtyń Resei azamattyǵyn qashan alǵanyn tekserip jatyr. Osyǵan deiin, Akbarjon Djalilovtyń Qyrǵyzstan azamaty bolǵany jáne keiinirek Resei azamattyǵyn alǵany týraly habarlanǵan. Diplomatiialyq ókilettiginiń málimetinshe, Qyrǵyzstannyń barlyq quzyrly organdaryna Akbarjon Djalilov týraly málimetterge suranys jiberilgen. RF-nyń quqyq qorǵaý organdary jáne diplomatiialyq organdarymen birlese jumys júrip jatyr.
3 sáýirde Sankt-Peterbýrg metrosynda bolǵan jarylystan kem degende 11 adam qaza tapty, zardap shekkender sany 50-ge jetti.
Jarylys metronyń eki beketinde bolǵan - "Sennaia ploshad" jáne "Tehnologicheskii institýt". Eki jarylystan zardap shekkender arasynda balalardyń bary da
