Foto: UQK baspasóz qyzmeti
Almaty qalasy boiynsha UQK departamenti sintetikalyq esirtkiniń eki iri jasyryn óndirisin joiý boiynsha operatsiialar ótkizdi, dep habarlaidy "Ult aqparat" UQK baspasóz qyzmetine silteme jasap.
Psihotropty zattardy daiyndady jáne satty degen kúdikpen úsh azamat ustalǵan.
"Tintý kezinde 21 kg «mefedron» jáne «alfa-RVR», prekýrsorlardyń iri partiiasy men zerthanalyq jabdyqtar anyqtaldy.
Tárkilengen esirtki zattardyń quny «qara» naryqta 420 mln teńgege baǵalanady, al kólemi 85 000 ret qabyldanatyn mólsherlemelerdi quraidy.
Materialdar Qylmystyq kodekstiń 297-baby 3-bóligi boiynsha Sotqa deiingi tergep-tekserýdiń biryńǵai tizilimine tirkeldi. Sottyń sanktsiiasymen ustalǵandarǵa qamaýda ustaý túrindegi bultartpaý sharasy qoldanyldy" - delingen habarlamada.
Ózge aqparattar Qylmystyq-protsestik kodekstiń 201-baby 1-bóligine sáikes jariia etýge jatpaidy.
Sondai-aq vedomstvo málimetinshe, biylǵy 9 aida UQK 30 halyqaralyq jáne aýmaqtyq esirtki arnalarynyń, 29 esirtki óndiretin zerthanalar is-áreketiniń jolyn kesken.
Jalpy alǵanda zańsyz ainalymnan shamamen 1 tonnaǵa jýyq sintetikalyq esirtki jáne 76 tonnadan astam prekýrsorlar tárkilengen.
