Foto: QR UQK baspasóz qyzmeti
7 qazanda Astana qalasynyń halyqaralyq áýejaiynda UQK Shekara qyzmeti shekaralyq baqylaý basqarmasynyń áskeri qyzmetshileri prokýratýra jáne áýejaidy tekserý qyzmetimen birlesip, deklaratsiialanbaǵan kollektsiialyq monetalardy alyp júrdi degen kúdikpen Qazaqstannyń eki azamatyn ustady, dep habarlaidy "Ult aqparat" UQK baspasóz qyzmetine silteme jasap.
Aldyn ala derekter boiynsha, nominaly 100 jáne 50 myń teńge, sondai-aq salmaǵy 2 jáne 1 kg monetalar tiisinshe 999 synamaly altynnan jasalǵan.
"Tárkilengen zattyń aldyn ala kedendik quny shamamen 85 mln teńgeni quraidy.
Quqyq buzýshylar is júrgizý sheshimin qabyldaý úshin quzyretti organdarǵa berildi" - delingen habarlamada.
