UQK "At-Takfir ýál-Hidjra" dini-ekstremistik uiymynyń 33 múshesin qalai ustaǵandaryn aityp berdi, - dep habarlaidy "Ult aqparat".
"Ulttyq qaýipsizdik komiteti men ishki ister organdary júrgizgen is-sharalardyń nátijesinde "At-Takfir ýál-Hidjra" dini-ekstremistik uiymynyń qazaqstandyq 33 múshesi ustaldy. Olardyń 14-i - Almatyda, taǵy 14-i - Almaty oblysynda, Aqtóbede - 2 jáne Atyraýda - 3. Ustalǵandardyń barlyǵy - Qazaqstan Respýblikasynyń azamattary. Olardyń arasynda áielder joq", - delingen UQK ókilderiniń redaktsiia joldaǵan saýalǵa bergen jaýabynda.
Sondai-aq, ustalǵandardyń turatyn jáne jinalatyn meken-jailary boiynsha júrgizilgen tintý barysynda dini materialdar, kompakt-diskter, kompiýterlik tehnika jáne úlken somada aqsha tabylyp, tárkilengeni aitylady.
UQK málimetinshe, olar ekstermistik ideologiiany zańsyz túrde nasihattap, adamdardy respýblika aýmaǵynda teokratiialyq memleket qurýǵa shaqyrǵan. Dini-ekstremistik uiymnyń Qazaqstandaǵy uiashyqtaryn shetelden basqaryp otyrǵan.
"Ustalǵandarǵa qatysty derek QR Qylmystyq kodeksiniń 405-babynyń 2-bóligi boiynsha jáne 174-baptyń 2-bóligi boiynsha Biryńǵai tergeý reestrine tirkeldi. Ekstremistik uiymdaǵy múshelerdiń basym bóligi - Almaty, Atyraý jáne Mańǵystaý oblysynyń týmalary", - dedi UQK ókilderi.
Alaida Ulttyq qaýipsizdik komitetindegilerde ustalǵandardyń Siriiaǵa nemese Irakka ketýge jospary bolǵany jaily málimet joq. Biraq vedomstvo málimetinshe, olar Siriia men Irak elderindegi terroristerdiń áreketin qoldaityny jaily aityp júrgen.
"At-Takfir ýál-Hidjra" uiymy zaiyrly memlekettik bilik formasy men konstitýtsiialyq qurylymdy moiyndamaidy. Olardyń Qazaqstandaǵy maqsaty - teokratiialyq memleket (halifatty) qurý", - dedi UQK ókilderi.
Eske salaiyq, 21 jeltoqsanda UQK Almaty men Qazaqstannyń úsh oblysynda elimizdiń aýmaǵyndaǵy "At-Takfir ýál-Hidjra" dini-ekstremistik uiymyn zalalsyzdandyrý maqsatynda arnaiy operatsiiany bastaǵan bolatyn. Dini arazdyqtyqty týdyrdy degen kúdikpen elimizde tyiym salynǵan uiymnyń 16 adamy ustalyp, Ulttyq qaýipsizdik komitetiniń aýmaqtyq organdaryna jetkizilgen.
Al 23 jeltoqsanda UQK arnaiy operatsiia kezinde 33 adamdy ustaǵany habarlanǵan bolatyn. "Ishki ister organdary bólimshelerimen birlese dini alaýyzdyqty qozdyrdy jáne atalǵan uiymnyń is-áreketine qatysty degen kúdikpen barlyǵy 33 adam ustaldy", - delingen edi UQK habarlamasynda.
