QR UQK eks-basshysy Nartai Dútbaevtyń isi boiynsha sot úkimi shyqty, - dep habarlaidy Tengrinews.kz tilshisi QR Joǵarǵy sotyna silteme jasap.
Aqmola garnizonynyń Áskeri sotynda 2017 jyldyń 24 tamyzynda Nartai Dútbaevqa jáne istiń ózge figýranttaryna qatysty qylmystyq is boiynsha úkim shyǵaryldy. Sot otyrysy jabyq tártipte ótti.
"Sottyń úkimi boiynsha N.N.Dútbaev QR Qylmystyq kodeksiniń 172-babyna sáikes memlekettik qupiiany jariia etti, qyzmettik ókilin asyra paidalandy (QR QK-niń 451-baby) dep tanylyp, 7 jyl 6 aiǵa bas bostandyǵynan aiyrý jazasy taǵaiynaldy, ol ómir boiyna memlekettik qyzmetke tura almaidy. N.N.Dútbaevty general-leitenant áskeri sheninen jáne memlekettik syilyǵynan aiyrý týraly usynys engizildi", - delingen QR Áskeri sotynyń saitynda.
Osy is boiynsha taǵy bir figýrant R.J.Muratov osyndai qylmys (QR QK-niń 172-baby men 451-baby) jasady dep tanylyp, 5 jylǵa bas bostandyǵynan aiyrý jazasy taǵaiyndalǵan. Sonymen qatar, ol ómir boiyna memlekettik qyzmetke tura almaidy.
N.B.Hasen memlekettik qupiiany jariia etti (QR QK-niń 172-baby) jáne qyzmettik ókilin asyra paidalandy (QR QK-niń 308-baby) dep tanylyp, 5 jylǵa bas bostandyǵynan aiyryldy. Sonymen qatar, ol ómir boiyna memlekettik qyzmetke tura almaidy. Ony da memlekettik syilyqtan aiyrý týraly usynys engizilgen.
E.S.Nurtaev memlekettik qupiiany jariia etýge qolǵabys etti dep tanylyp, 3 jyl 6 aiǵa bas bostandyǵynan aiyryldy, ol da ómir boiyna memlekettik qyzmetke tura almaidy.
Úkim zańdy kúshine engen joq. Dútbaev 2016 jyldyń 28 jeltoqsanynda ustalǵan bolatyn. Aita keteiik, Nartai Dútbaev 2001-2006 jyldar aralyǵynda UQK tóraǵasy qyzmetin atqarǵan bolatyn.
