QR Ulttyq qaýipsizdik komitetiniń burynǵy basshysy Nartai Dútbaevty qamaýda ustaý merzimi 26 mamyrǵa deiin uzartyldy. Bul týraly Astana qalalyq soty QazAqparattyń saýalyna bergen jaýabynda málim etti.
«2017 jyldyń 14 naýryzynda Astana qalasy №2 Esil aýdandyq soty Dútbaev Nartai Nurtaiulynyń, Hasen Nurlan Bolatulynyń jáne Nurtaev Erlan Súiimbaiulynyń qamaýda ustaý merzimin 2017 jyldyń 26 mamyryna deiin uzartty», - delingen málimdemede.
Eske sala ketsek, 2017 jyldyń 17 aqpanynda sot Dútbaev N.N., Hasen N.B., Nurtaev E.S. qamaýda ustaý merzimin 2017 jyldyń 26 naýryzyna deiin sozdy. Olar 2016 jyldyń 26 jeltoqsanynda Qazaqstan Respýblikasy Qylmystyq kodeksiniń 185-baby 3-bóliminde («Memlekettik qupiialardy jariia etý») jáne 362-baby 3-bóliminde («Bilikti nemese laýazymdy ókilettikterdi asyra paidalaný») qarastyrylǵan qylmystardy jasady degen kúdikpen ustalǵan edi.
Dútbaev 2001-2006 jyldary UQK basqardy, keiinirek prezident keńesshisi jáne ulttyq kompaniia basshysy qyzmetterin atqardy. Is figýranttarynyń biri Nurlan Hasen Qazaqstannyń Italiiadaǵy elshiliginde jumys istegen.
