Foto: QR UQK
5 qazanda Ulttyq qaýipsizdik komiteti politsiia organdarymen birlese jáne Bas prokýratýranyń úilestirýimen bir mezgilde Jetisý, Jambyl jáne Túrkistan oblystarynda arnaiy operatsiia júrgizdi, dep habarlaidy "Ult aqparat" vedomstvonyń baspasóz qyzmetine silteme jasap.
"Nátijesinde qarý men esirtkini zańsyz saqtaýǵa, bopsalaýǵa, zańsyz kóshi-qon arnalaryn uiymdastyrýǵa jáne ózge de aýyr qylmystar jasaýǵa kúdikti toptardyń 72 múshesi tergeý amaldaryn júrgizý úshin jetkizildi" - delingen habarlamada.
UQK málimetinshe, toptar óz áreketterin Qytaimen («Qorǵas» HShYO), Ózbekstanmen («Jibek joly» ótkizý pýnkti) jáne Qyrǵyzstanmen («Qordai avtomobildik» ótkizý pýnkti) shekaralas ýchaskelerde júzege asyrǵan.
"Tintý barysynda atys qarýy oq-dárilerimen, iri aqsha qarajattary, esirtki, sondai-aq ózge de zattai dáleldemeler tárkilendi.
Tergeý is-sharalary júrgizilip jatyr. Qylmystyq-protsestik kodekstiń 201-babynyń 1-bóligine sáikes ózge aqparattar jariia etýge jatpaidy" - delingen vedomstvo habarlamasynda.
