Ulttyq qaýipsizdik komiteti Almaty men Qazaqstannyń úsh oblysynda arnaiy operatsiia júrgizdi, dep habarlaidy "Ult aqparat".
2018 jylǵy 27 qazanda Ulttyq qaýipsizdik komiteti Almaty qalasynyń, Aqmola, Almaty jáne Qaraǵandy oblystarynyń 10 turǵynyn ustady.
"Olar internettiń áleýmettik jelileri men messendjerlerinde júieli túrde ekstremistik kontentti taratý jolymen terrorizmdi nasihattady jáne dini alaýyzdyqty qozdyrdy degen kúdikke ilingen. Dini materialdar ornalastyrylǵan chattar men qoǵamdastyqtarda Qazaqstannyń 15 óńiriniń dindar turǵyndary qatarynan barlyǵy 180-nen artyq qatysýshy turǵan" - delingen UQK baspasóz qyzmeti taratqan habarlamada.
Sonymen qatar, ustalǵan adamdardyń terrorizmdi qarjylandyrý men ózge de kómek kórsetýge jeke qatystylyǵy týraly derekter tekserilýde. Tergeý is-sharalary jalǵasýda.
