Sýret: QR Ulttyq qaýipsizdik komitetiniń baspasóz qyzmeti
24 maýsymda UQK jedel qyzmetkerleri arnaýly maqsattaǵy bólimsheni jumyldyryp, Almaty qalasynda qoǵamǵa qaýipti uiymdasqan qylmystyq top áreketiniń jolyn kesti, dep habarlaidy "Ult aqparat" Ulttyq qaýipsizdik komitetiniń baspasóz qyzmetine silteme jasap.
Arnaiy operatsiia barysynda UQT-nyń 5 belsendi múshesi ustalyp, olardan Kalashnikov avtomaty, Makarov tapanshasy, jaýyngerlik granata, tegis uńǵyly «sholaq» myltyq jáne sintetikalyq sipattaǵy esirtki tárkilengen.
Top músheleri densaýlyqqa aýyr ziian keltirý, asa iri kólemde esirtki zatyn satý maqsatynda saqtaý, qarý men oq-dárini zańsyz tasymaldaý jáne saqtaý qylmystaryn jasady degen kúdikke ilingen.
"Úsh kúdikti tergeý sotynyń ruqsatymen qamaýǵa alynyp, qalǵandaryna qatysty qajetti tergeý is-qimyldary júrgizilip jatyr.
Qoldanylǵan sharalar Almaty qalasynyń qylmystyq ahýalyn jaqsartýǵa jáne qylmystyq ortanyń qoǵamǵa áserin álsiretýge baǵyttalǵan. Jedel-tergeý is-sharalary jalǵasýda.
Qylmystyq-protsessýaldyq kodekstiń 201-babyna sáikes ózge aqparat tergeý múddesinde jariia etýge jatpaidy" - delingen habarlamada.
Konstitýtsiianyń 77-baby 3-tarmaǵy 1-tarmaqshasyna jáne Qylmystyq-protsessýaldyq kodekstiń 19-baby 1-bóligine sáikes adamnyń kináli ekendigi zańdy kúshine engen sot úkimimen tanylǵansha ol jasalǵan qylmysqa kináli emes dep esepteledi.
