Foto: QR UQK baspasóz qyzmeti
Biylǵy birinshi toqsanda Ulttyq qaýipsizdik komiteti 18 halyqaralyq jáne 9 aimaqtyq esirtki arnasynyń jolyn kesti, dep habarlady vedomstvonyń baspasóz qyzmeti.
Baspasóz qyzmetiniń málimetetrine qaraǵanda, Ulttyq qaýipsizdik komiteti esirtkiniń zańsyz ainalymyna qarsy is-qimyl boiynsha 53 operatsiia júrgizgen, onyń 16-sy shet memleketterdiń múddeli quzyretti organdarymen birlese júrgizilgen.
«Is-sharalar qorytyndysy boiynsha 18 halyqaralyq jáne 9 aimaqtyq esirtki jetkizý arnasy, sondai-aq 10 jasyryn esirtki zerthanasynyń qyzmeti joiyldy. Jalpy ainalymnan 800 kg-nan astam esirtki men psihotroptyq zattar, 4 tonna kóknár sabanynyń shikizaty jáne sintetikalyq esirtki jasaý úshin paidalanylatyn 10 tonnadan astam himiialyq reagentter alyndy. Alynǵan esirtki quny «qara naryqta» 5 mlrd teńgeden asa baǵalanady, al ainalymǵa jiberilmegen kólem shamamen 4 mln bir rettik dozany quraidy»,-delingen habarlamada.
Sondai-aq onda UQK halyqaralyq esirtki ainalymyna qatysy bar degen kúdik boiynsha 72 Qazaqstan azamaty men sheteldikke qatysty sotqa deiingi tergep tekserýler júrgizilip jatqany aitalǵan.
