فوتو: قر ۇقك باسپاسٶز قىزمەتٸ
بيىلعى بٸرٸنشٸ توقساندا ۇلتتىق قاۋٸپسٸزدٸك كوميتەتٸ 18 حالىقارالىق جەنە 9 ايماقتىق ەسٸرتكٸ ارناسىنىڭ جولىن كەستٸ, دەپ حابارلادى ۆەدومستۆونىڭ باسپاسٶز قىزمەتٸ.
باسپاسٶز قىزمەتٸنٸڭ مەلٸمەتەترٸنە قاراعاندا, ۇلتتىق قاۋٸپسٸزدٸك كوميتەتٸ ەسٸرتكٸنٸڭ زاڭسىز اينالىمىنا قارسى ٸس-قيمىل بويىنشا 53 وپەراتسييا جٷرگٸزگەن, ونىڭ 16-سى شەت مەملەكەتتەردٸڭ مٷددەلٸ قۇزىرەتتٸ ورگاندارىمەن بٸرلەسە جٷرگٸزٸلگەن.
«ٸس-شارالار قورىتىندىسى بويىنشا 18 حالىقارالىق جەنە 9 ايماقتىق ەسٸرتكٸ جەتكٸزۋ ارناسى, سونداي-اق 10 جاسىرىن ەسٸرتكٸ زەرتحاناسىنىڭ قىزمەتٸ جويىلدى. جالپى اينالىمنان 800 كگ-نان استام ەسٸرتكٸ مەن پسيحوتروپتىق زاتتار, 4 توننا كٶكنەر سابانىنىڭ شيكٸزاتى جەنە سينتەتيكالىق ەسٸرتكٸ جاساۋ ٷشٸن پايدالانىلاتىن 10 توننادان استام حيمييالىق رەاگەنتتەر الىندى. الىنعان ەسٸرتكٸ قۇنى «قارا نارىقتا» 5 ملرد تەڭگەدەن اسا باعالانادى, ال اينالىمعا جٸبەرٸلمەگەن كٶلەم شامامەن 4 ملن بٸر رەتتٸك دوزانى قۇرايدى»,-دەلٸنگەن حابارلامادا.
سونداي-اق وندا ۇقك حالىقارالىق ەسٸرتكٸ اينالىمىنا قاتىسى بار دەگەن كٷدٸك بويىنشا 72 قازاقستان ازاماتى مەن شەتەلدٸككە قاتىستى سوتقا دەيٸنگٸ تەرگەپ تەكسەرۋلەر جٷرگٸزٸلٸپ جاتقانى ايتالعان.
