QR Premer-ministriniń orynbasary Berdibek Saparbaev bastaǵan Úkimettiń jumys toby 18-19 jeltoqsanda Mańǵystaý oblysyna jumys saparymen barady, dep habarlaidy "Ult aqparat".
Jumys tobynyń quramyna Úkimettiń áleýmettik blogynyń basshylary kiredi: bilim jáne ǵylym, densaýlyq saqtaý, eńbek jáne áleýmettik qorǵaý, mádeniet jáne sport, aqparattyq jáne qoǵamdyq damý ministrlikteri, sonymen qatar, Qazaqstannyń Kásipodaq federatsiiasy, «Atameken» UKP jáne Áleýmettik meditsinalyq saqtandyrý qory bar.
Jumys tobynyń músheleri Aqtaý men Jańaózen qalalarynda jurtshylyqpen, eńbek ujymdarymen, densaýlyq saqtaý jáne bilim berý salalarynyń mamandarymen, jastarmen kezdesý ótkizip, áleýmettik jáne mádeni oshaqtardy aralaidy.
Sapardyń negizge maqsaty – Prezidenttiń Qazaqstan halqyna Joldaýynda kórsetilgen mindetteri aiasynda Úkimettiń qandai tapsyrmalardy júzege asyryp jatqandyǵynan habardar etý.
Esterińizge sala keteiik, buǵan deiin Úkimettiń jumys toby basqa aimaqtardyń turǵyndarymen kezdesken bolatyn.
