«Qazatomónerkásip» aktsiialary «Astana» halyqaralyq qarjy ortalyǵy Birjasynda satylymǵa shyǵaryldy, dep habarlaidy QazAqparat tilshisi.
«Qazaqstan búginde taǵy da bir keń aýqymdy jekeshelendirý júrgizýge sheshim qabyldady. Táýelsizdiktiń alǵashqy jyldarynda, 1995-1999 jyldary biz barynsha jyldam jekeshelendirý ótkizdik. Dál sonyń arqasynda tolyqtai turalap qalǵan ekonomikamyzdy jyljytyp, daǵdarystan shyǵa bastadyq. Sodan beri kóp ýaqyt ótti. Endigi bizdiń maqsatymyz - Úkimettiń ekonomikaǵa qatysýyn azaitý jáne Úkimettiń ekonomikanyń 15 paiyzdan aspaityn bóligin ǵana basqarýyna jol berý. Sondyqtan jekeshelendirýdiń úlken ekinshi kezeńin bastadyq. Onyń tarmaqtarynyń birin oryndaýǵa búgin kirisemiz. Qazaqstan álemde munai óndirý boiynsha birinshi orynǵa ie. Álemdik ýran naryǵynyń 20 paiyzy da Qazaqstan úlesinde. Sondyqtan álemde bul kompaniianyń aktsiiasyna qyzyǵýshylyq zor jáne tek óse beretin bolady», - dedi Nursultan Nazarbaev AHQO Birjasynyń alǵashqy saýda-sattyǵyn iske qosý sharasynda.
Memleket basshysy aldaǵy ýaqytta AHQO Birjasyna «Qazaqtelekom», «Eir Astana», «QazMunaiGaz» syndy ulttyq kompaniialardyń aktsiialary shyǵarylatyndyǵyn aitty.
«AHQO shetel kapitalyn tartýdyń katalizatoryna ainalýy jáne qor naryǵyn damýdyń jańa deńgeiine shyǵarýy tiis. Bul jerde álemdik úzdik tájiribe paidalanylyp, jetekshi seriktester men sarapshylar tartylǵan. Qatysýshylar úshin óte qolaidy sharttar jasalǵan. Qazaqstandyq aviatsiia álemniń ózge de qarjy ortalyqtaryna jańa áýe joldaryn tóseitin bolady», - dedi Elbasy.
Aita keteiik, búgin AHQO Birjasynda «Qazatomónerkásip» kompaniiasynyń jai aktsiialaryn shartsyz satý, sonymen qatar jahandyq depozitarlyq qolhattaryn shartty satý bastaldy.
Al kompaniianyń jahandyq depozitarlyq qolhattaryn shartsyz satý boljamǵa sáikes osy jyldyń 19 qarashasynda bastalady. Buǵan deiin Elbasy Nursultan Nazarbaev «Astana» halyqaralyq qarjy ortalyǵy Birjasynyń alǵashqy saýda-sattyǵyn iske qosqanyn habarlaǵan edik.
