Memleket basshysy Qasym-Jomart Toqaevtyń tapsyrmasymen qurylǵan Baizaq aýdanyndaǵy oq-dári qoimasynda oryn alǵan órt pen jarylys saldaryn joiý jónindegi Úkimettik komissiia oqiǵa ornyna bardy, dep habarlaidy "Ult aqparat" Úkimet basshysynyń baspasóz qyzmetine silteme jasap.
QR Premer-Ministriniń orynbasary Roman Skliar bastaǵan, quramynda Jambyl oblysynyń ákimi Berdibek Saparbaev, qorǵanys ministri Nurlan Ermekbaev, tótenshe jaǵdailar ministri Iýrii Ilin, ishki ister ministriniń orynbasary Murat Baimuqashev, indýstriia jáne infraqurylymdyq damý birinshi vitse-ministri Qaiyrbek Óskenbaev, eńbek jáne halyqty áleýmettik qorǵaý, densaýlyq saqtaý jáne basqa da ortalyq memlekettik organdardyń vitse-ministrleri bar komissiia zardap shekken nysandarymen tanysyp, mán-jaiǵa qanyqty.
Sonymen qatar delegatsiia órt saldaryn joiý jónindegi jumystardyń barysymen tanysyp, jaralanǵan áskerilermen jáne órt sóndirýshilermen, jergilikti turǵyndarmen kezdesti. Vitse-premer jedel shtab otyrysyna qatysyp, jaýapty tulǵalarǵa naqty tapsyrmalar júktedi.
Aita keteiik, atalǵan komissiia aldyna zalaldy baǵalaý jáne órt pen jarylys saldaryn joiý, zaqymdalǵan infraqurylymdy qalpyna keltirý, sondai-aq zardap shekkenderge áleýmettik qoldaý, meditsinalyq kómek sharalaryn kórsetý boiynsha mindetter qoiylǵan bolatyn.
Qazirgi ýaqytta keltirilgen shyǵyn kólemi anyqtalýda, úkimettik saraptamalyq top jumys jasaýda. Barlyq zardap shekkenderge kómek kórsetiledi.
Birinshi kezekte turǵyn úiler, kásipkerlik jáne infraqurylymdyq nysandar qalpyna keltiriledi. Oqiǵanyń sebebin jedel tergeý toby anyqtaityn bolady.
