Azamattyq qoǵam isteri komiteti ÚEU qyzmeti týraly málimetterdi ÚEU derekqoryna tapsyrýǵa shaqyrady, dep habarlaidy "Ult aqparat" ministrliktiń baspasóz qyzmetine silteme jasap.
Komitettiń aqparaty boiynsha, 2020 jyldyń 31 naýryzynda úkimettik emes uiymdardyń qyzmeti týraly málimetterdi ÚEU derekqoryna usyný merzimi aiaqtalady.
«Osyǵan bailanysty jeke mekeme, qoǵamdyq birlestik (saiasi partiialar, dini birlestikter men kásiptik odaqtar túrinde qurylǵan qoǵamdyq birlestikterdi qospaǵanda), kommertsiialyq emes aktsionerlik qoǵam (quryltaishysy nemese aktsioneri memleket bolyp tabylatyn kommertsiialyq emes aktsionerlik qoǵamdarǵa qospaǵanda), qoǵamdyq, korporativtik jáne jeke qorlar, qaýymdastyq (odaq) nysanyndaǵy zańdy tulǵalar birlestigi nysanyndaǵy úkimettik emes uiymdarǵa, sondai-aq Qazaqstan Respýblikasynyń aýmaǵynda qyzmetin júzege asyratyn sheteldik jáne halyqaralyq kommertsiialyq emes uiymdardyń filialdary men ókildikterine infonpo.gov.kz veb-portalynda elektrondyq eseptilik nysanyn ýaqtyly toltyrýdy usynady», delingen habarlamada.
Qoldanystaǵy zańnamaǵa sáikes ÚEU derekqorynda tirkelý memlekettik áleýmettik tapsyrys jáne memlekettik granttar sheńberinde áleýmettik baǵdarlamalardy jáne (nemese) áleýmettik jobalardy iske asyrýǵa, sondai-aq ÚEU úshin syilyq alýǵa arnalǵan konkýrsqa qatysý úshin mindetti shart bolady.
Málimetti elektrondy túrde infonpo.gov.kz veb-portaly arqyly usyný úshin Halyqqa qyzmet kórsetý ortalyǵynyń jaqyn jerdegi bólimshesinde elektrondyq tsifrlyq qoltańba alý qajet. Al, málimetti internet arqyly tapsyrýǵa múmkindigi joq azamattar úshin poshta arqyly nemese qolma-qol qaǵaz jáne elektrondyq tasyǵyshta (CD-diski nemese DOC, DOCX formatynda USB-flesh-jinaqtaǵyshta) tapsyrý múmkindigi bar.
ÚEU qyzmeti týraly málimetterdi poshta arqyly nemese qolma-qol ilespe hatpen myna mekenjaiǵa jiberý qajet: 010000, Astana qalasy, Esil aýdany, Máńgilik el dańǵyly, 8, 14-kireberis, QR Aqparat jáne qoǵamdyq damý ministrliginiń Azamattyq qoǵam isteri komiteti.
Ministrliktiń baspasóz qyzmetiniń habarlaýynsha, ÚEU derekqoryna málimetterdi ýaqtyly usynbaǵany úshin Qazaqstan zańnamasyna sáikes jaýapkershilik kózdelgen.
