«AMANAT» Fraktsiiasy QR Premer-Ministri laýazymyna Álihan Smailovtyń kandidatýrasyn usyndy. Osy oraida, «AMANAT» partiiasynyń Atqarýshy hatshysy Elnur Beisenbaev áleýmettik jelide óz pikirin bildirdi.
Onyń aitýynsha, Memleket basshysynyń bastamasymen elimizdegi saiasi júieni qaita jańǵyrtý protsesi konstitýtsiialyq reformadan naqty bastaý aldy. Endigi mańyzdy qadam – Úkimettiń jańa quramyn jasaqtaý.
«AMANAT» sailaýda kópshiliktiń daýysyna ie bolyp jeńiske jetken partiia retinde búgin Premer-Ministr laýazymyna kandidatýra usyndy. Mundai tájiribe Parlamenttiń rólin kúsheitip qana qoimai, saiasi partiialardyń jaýapkershiligin arttyrady. Endigi kezekte Úkimettiń jumysy Fraktsiia tarapynan jiti baqylaýda bolyp, onyń árbir sheshimi partiia ishinde suralatyn bolady. Bul jumys Májilistegi Fraktsiianyń bedeli men onyń fýnktsionaldyq múmkindikterin keńeitedi», - dedi partiia Fraktsiiasynyń jetekshisi.
Sondai-aq, Elnur Beisenbaev qajet bolsa, partiia tiisti sharalar qoldanýǵa daiyn ekenin málimdedi.
«Bul Prezident jariialaǵan «Kúshti Prezident – yqpaldy Parlament – esep beretin Úkimet» qaǵidatynyń naqty iske asýy dep bilemiz. Ras, sońǵy bir jylda Úkimetke qoǵam tarapynan aitylǵan syn az bolǵan joq. Biraq, ministrler kabinetiniń nebári bir-aq jyl jumys istegenin eskerýimiz qajet. Bir jyl – úkimettiń jumysyn obektivti baǵalaý úshin tym qysqa ýaqyt», - dedi E.Beisenbaev.
Sonymen qatar, ol elimizde baǵanyń turaqtamaýy, jumyssyzdyq, azamattardyń tabysyn arttyrý, jylýmen qamtamasyz etý, infraqurylymdy jaqsartý, aýyldy túletý siiaqty Úkimettiń aldynda asa aýqymdy mindetter turǵanyn atap ótti.
«Biz bul máselelerdi jaqsy bilemiz jáne ony Úkimetpen birge sheshýimiz qajet. Úkimetti jii aýystyrǵannan máseleler sheshilýi bylai tursyn, qordalana beretinin ýaqyt kórsetti. Sondyqtan, ministrler kabineti byltyr bastaǵan isti jalǵastyryp, halyqtyń ál-aýqatyn arttyrý boiynsha jumysty tez arada shiratýy qajet», - dep túiindedi ol.
