.JPG)
Premer-Ministri Asqar Maminniń tóraǵalyǵymen ótken Investitsiialyq ahýaldy jaqsartý jónindegi keńestiń (IKJK) otyrysynda jańartylatyn energiia kózderin damytý jáne QR-nyń tómen kómirtekti ekonomikaǵa kóshýi máseleleri qaraldy. Bul týraly Úkimettiń baspasóz qyzmeti habarlady.
«Jasyl ekonomikany» damytý jáne jańartylatyn energiia kózderine sheteldik investitsiialardy tartý perspektivasy týraly QR-daǵy Amerika saýda palatasynyń (ATP) atqarýshy direktory Doris Bredbiýri, QR-daǵy ATP prezidenti Kennet Mak, EYDU jahandyq qatynastar jónindegi hatshylyǵynyń Eýraziia bóliminiń basshysy Ýiliam Tompson, Qazaqstanda akkredittelgen Ulybritaniia elshisi Keti Lich, EO elshisi Kestýtis Iankaýskas, Niderlandy elshisi Haime de Býrbon, EO janyndaǵy Kanadanyń arnaiy elshisi Stefan Dion, sondai-aq GE, Total Energies, Orano Group Kazakhstan (KATCO), Eurasia Group kompaniialardyń ókilderi jáne t. b. baiandama jasady.
Qabyldanyp jatqan sharalar týraly ekologiia, geologiia jáne tabiǵi resýrstar ministri Serikqali Brekeshev, energetika birinshi vitse-ministri Murat Júrebekov baiandady.
Ekonomikany dekarbonizatsiialaý jáne klimattyń ózgerýine beiimdeý, QR-da eń ozyq qoljetimdi tehnologiialardy engizý, jańartylatyn energiia kózderin, naqty eginshilikti jáne jalpy «jasyl» ekonomikany damytýǵa investitsiia tartý máseleleri talqylandy. Úkimet basshysy Qazaqstan klimattyń ózgerýine qarsy jahandyq kúres aiasynda óz mindettemelerin iske asyrý boiynsha sharalardy ulǵaityp jatqanyn atap ótti.
Bul rette kúsh-jiger ekonomikanyń turaqtylyǵy men dekarbonizatsiiasyn arttyrýǵa baǵyttalǵan. QR Parij kelisimin iske asyrý úshin 2030 jylǵa qarai Úkimet parniktik gazdar shyǵaryndylaryn 15%-ǵa azaitýdy targetteidi. Qoiylǵan maqsatqa qol jetkizý úshin Qazaqstan ulttyq deńgeide aiqyndalatyn shyǵaryndylardy azaitý jónindegi úlesin jańartty jáne 2022-2025 jyldarǵa arnalǵan tiisti Jol kartasyn ázirledi.
«Úkimet sonymen qatar 2020 jyldyń jeltoqsan aiynda klimattyq ambitsiialar boiynsha BUU sammiti aiasynda QR Prezidenti Qasym-Jomart Toqaev jariialaǵan Qazaqstannyń 2060 jylǵa qarai kómirtekti beitaraptylyqqa qol jetkizý maqsatyn iske asyrý úshin tájiribelik sharalar qabyldaýda. 2060 jylǵa deiin QR kómirtegi beitaraptylyǵyna qol jetkizý doktrinasyn ázirleý júrgizilýde, ol biyl qarasha aiynda Glazgo qalasynda klimattyń ózgerýi jónindegi BUU konferentsiiasynda usynylatyn bolady. Qujatta QR ekonomikasynyń energetikalyq tiimdiligin arttyrý, elektrlendirý jáne jańartylatyn energiia kózderin keń aýqymdy paidalaný sharalary kózdelgen», — dedi A. Mamin.
Premer-Ministr Úkimettiń energiia óndirýdiń jalpy kólemindegi jańartylatyn energiia kózderiniń úlesin buryn josparlanǵandai 2025 jylǵa qarai emes, 2023 jylǵa qarai 6%-ǵa deiin eki ese arttyrýǵa nietti ekenin atap ótti.
Úkimet basshysy Qazaqstannyń balamaly energetikany damytý salasyna sheteldik kapital men ozyq tehnologiialardy tartý úshin investitsiialyq ortany jaqsartý jóninde birqatar sharalar qabyldaǵanyn jetkizdi. Nátijesinde, 2020 jyly jańartylatyn energetika salasynda jalpy qýaty 600 MVt jýyq bolatyn 25 joba paidalanýǵa berildi.
Investitsiia kólemi $510 mln asty. Aldaǵy tórt jyl ishinde jalpy qýaty 2400 MVt bolatyn jáne investitsiia kólemi $2,5 mlrd astamdy quraityn 60-tan asa jańa JEK jobasyn paidalanýǵa berý josparlanýda.
Qazirgi ýaqytta Qazaqstanda belgilengen qýaty 1922 MVt bolatyn 124 JEK obektisi jumys isteidi: 31 jel elektr stantsiiasy, 48 kún elektr stantsiiasy, 40 sý elektr stantsiiasy, 5 bioelektr stantsiiasy.
