.JPG)
پرەمەر-مينيسترٸ اسقار ماميننٸڭ تٶراعالىعىمەن ٶتكەن ينۆەستيتسييالىق احۋالدى جاقسارتۋ جٶنٸندەگٸ كەڭەستٸڭ (يكجك) وتىرىسىندا جاڭارتىلاتىن ەنەرگييا كٶزدەرٸن دامىتۋ جەنە قر-نىڭ تٶمەن كٶمٸرتەكتٸ ەكونوميكاعا كٶشۋٸ مەسەلەلەرٸ قارالدى. بۇل تۋرالى ٷكٸمەتتٸڭ باسپاسٶز قىزمەتٸ حابارلادى.
«جاسىل ەكونوميكانى» دامىتۋ جەنە جاڭارتىلاتىن ەنەرگييا كٶزدەرٸنە شەتەلدٸك ينۆەستيتسييالاردى تارتۋ پەرسپەكتيۆاسى تۋرالى قر-داعى امەريكا ساۋدا پالاتاسىنىڭ (اتپ) اتقارۋشى ديرەكتورى دوريس برەدبيۋري, قر-داعى اتپ پرەزيدەنتٸ كەننەت ماك, ەىدۇ جاھاندىق قاتىناستار جٶنٸندەگٸ حاتشىلىعىنىڭ ەۋرازييا بٶلٸمٸنٸڭ باسشىسى ۋيليام تومپسون, قازاقستاندا اككرەديتتەلگەن ۇلىبريتانييا ەلشٸسٸ كەتي ليچ, ەو ەلشٸسٸ كەستۋتيس يانكاۋسكاس, نيدەرلاندى ەلشٸسٸ حايمە دە بۋربون, ەو جانىنداعى كانادانىڭ ارنايى ەلشٸسٸ ستەفان ديون, سونداي-اق GE, Total Energies, Orano Group Kazakhstan (KATCO), Eurasia Group كومپانييالاردىڭ ٶكٸلدەرٸ جەنە ت. ب. بايانداما جاسادى.
قابىلدانىپ جاتقان شارالار تۋرالى ەكولوگييا, گەولوگييا جەنە تابيعي رەسۋرستار مينيسترٸ سەرٸكقالي برەكەشەۆ, ەنەرگەتيكا بٸرٸنشٸ ۆيتسە-مينيسترٸ مۇرات جٷرەبەكوۆ باياندادى.
ەكونوميكانى دەكاربونيزاتسييالاۋ جەنە كليماتتىڭ ٶزگەرۋٸنە بەيٸمدەۋ, قر-دا ەڭ وزىق قولجەتٸمدٸ تەحنولوگييالاردى ەنگٸزۋ, جاڭارتىلاتىن ەنەرگييا كٶزدەرٸن, ناقتى ەگٸنشٸلٸكتٸ جەنە جالپى «جاسىل» ەكونوميكانى دامىتۋعا ينۆەستيتسييا تارتۋ مەسەلەلەرٸ تالقىلاندى. ٷكٸمەت باسشىسى قازاقستان كليماتتىڭ ٶزگەرۋٸنە قارسى جاھاندىق كٷرەس اياسىندا ٶز مٸندەتتەمەلەرٸن ٸسكە اسىرۋ بويىنشا شارالاردى ۇلعايتىپ جاتقانىن اتاپ ٶتتٸ.
بۇل رەتتە كٷش-جٸگەر ەكونوميكانىڭ تۇراقتىلىعى مەن دەكاربونيزاتسيياسىن ارتتىرۋعا باعىتتالعان. قر پاريج كەلٸسٸمٸن ٸسكە اسىرۋ ٷشٸن 2030 جىلعا قاراي ٷكٸمەت پارنيكتٸك گازدار شىعارىندىلارىن 15%-عا ازايتۋدى تارگەتتەيدٸ. قويىلعان ماقساتقا قول جەتكٸزۋ ٷشٸن قازاقستان ۇلتتىق دەڭگەيدە ايقىندالاتىن شىعارىندىلاردى ازايتۋ جٶنٸندەگٸ ٷلەسٸن جاڭارتتى جەنە 2022-2025 جىلدارعا ارنالعان تيٸستٸ جول كارتاسىن ەزٸرلەدٸ.
«ٷكٸمەت سونىمەن قاتار 2020 جىلدىڭ جەلتوقسان ايىندا كليماتتىق امبيتسييالار بويىنشا بۇۇ سامميتٸ اياسىندا قر پرەزيدەنتٸ قاسىم-جومارت توقاەۆ جارييالاعان قازاقستاننىڭ 2060 جىلعا قاراي كٶمٸرتەكتٸ بەيتاراپتىلىققا قول جەتكٸزۋ ماقساتىن ٸسكە اسىرۋ ٷشٸن تەجٸريبەلٸك شارالار قابىلداۋدا. 2060 جىلعا دەيٸن قر كٶمٸرتەگٸ بەيتاراپتىلىعىنا قول جەتكٸزۋ دوكتريناسىن ەزٸرلەۋ جٷرگٸزٸلۋدە, ول بيىل قاراشا ايىندا گلازگو قالاسىندا كليماتتىڭ ٶزگەرۋٸ جٶنٸندەگٸ بۇۇ كونفەرەنتسيياسىندا ۇسىنىلاتىن بولادى. قۇجاتتا قر ەكونوميكاسىنىڭ ەنەرگەتيكالىق تيٸمدٸلٸگٸن ارتتىرۋ, ەلەكترلەندٸرۋ جەنە جاڭارتىلاتىن ەنەرگييا كٶزدەرٸن كەڭ اۋقىمدى پايدالانۋ شارالارى كٶزدەلگەن», — دەدٸ ا. مامين.
پرەمەر-مينيستر ٷكٸمەتتٸڭ ەنەرگييا ٶندٸرۋدٸڭ جالپى كٶلەمٸندەگٸ جاڭارتىلاتىن ەنەرگييا كٶزدەرٸنٸڭ ٷلەسٸن بۇرىن جوسپارلانعانداي 2025 جىلعا قاراي ەمەس, 2023 جىلعا قاراي 6%-عا دەيٸن ەكٸ ەسە ارتتىرۋعا نيەتتٸ ەكەنٸن اتاپ ٶتتٸ.
ٷكٸمەت باسشىسى قازاقستاننىڭ بالامالى ەنەرگەتيكانى دامىتۋ سالاسىنا شەتەلدٸك كاپيتال مەن وزىق تەحنولوگييالاردى تارتۋ ٷشٸن ينۆەستيتسييالىق ورتانى جاقسارتۋ جٶنٸندە بٸرقاتار شارالار قابىلداعانىن جەتكٸزدٸ. نەتيجەسٸندە, 2020 جىلى جاڭارتىلاتىن ەنەرگەتيكا سالاسىندا جالپى قۋاتى 600 مۆت جۋىق بولاتىن 25 جوبا پايدالانۋعا بەرٸلدٸ.
ينۆەستيتسييا كٶلەمٸ $510 ملن استى. الداعى تٶرت جىل ٸشٸندە جالپى قۋاتى 2400 مۆت بولاتىن جەنە ينۆەستيتسييا كٶلەمٸ $2,5 ملرد استامدى قۇرايتىن 60-تان اسا جاڭا جەك جوباسىن پايدالانۋعا بەرۋ جوسپارلانۋدا.
قازٸرگٸ ۋاقىتتا قازاقستاندا بەلگٸلەنگەن قۋاتى 1922 مۆت بولاتىن 124 جەك وبەكتٸسٸ جۇمىس ٸستەيدٸ: 31 جەل ەلەكتر ستانتسيياسى, 48 كٷن ەلەكتر ستانتسيياسى, 40 سۋ ەلەكتر ستانتسيياسى, 5 بيوەلەكتر ستانتسيياسى.
