Úkimette QR Prezidentiniń Abai, Jetisý jáne Ulytaý oblystaryn qurýdy kózdeitin «QR ákimshilik-aýmaqtyq qurylysynyń keibir máseleleri týraly» Jarlyǵyn iske asyrý jónindegi is-sharalar jospary bekitildi, - dep habarlaidy "Ult aqparat" Primeminister.kz saityna silteme jasap.
Is-sharalar jospary myna sharalardy qamtidy:
- jańa oblystardyń shekaralaryn belgileý;
- ortalyq memlekettik organdardyń aýmaqtyq organdaryn qurý;
- ortalyq jáne jergilikti atqarýshy organdardyń shtat sanynyń limitterin bekitý;
- jańadan qurylǵan oblystar arasynda biýdjet bólý balansyn qabyldaý;
- oblystardy qurý sheńberindegi shyǵysty respýblikalyq biýdjetti qalyptastyrý men naqtylaý úshin qaraýǵa engizý jáne basqalar kiredi.
Jospardyń qabyldanýy jańadan qurylǵan jáne qaita uiymdastyrylǵan oblystarda memlekettik organdardyń jumys isteýi úshin qajetti is-sharalardyń júzege asyrylýyn qamtamasyz etýge múmkindik beredi. Jobany iske asyrý respýblikalyq biýdjetten qarjylyq shyǵyndardy qajet etpeidi.
Premer-Ministrdiń birinshi orynbasary Roman Skliar jańa oblys ortalyqtarynda birqatar kóshpeli keńester ótkizdi, olardyń barysynda óńirlerdiń qajetti ákimshilik ǵimarattardy satyp alýǵa, jalǵa alýǵa jáne jóndeý júrgizýge daiyndyǵy men qajettilikteri baǵalandy.
Júrgizilgen taldaý jumystary jańa oblys ortalyqtarynda memlekettik organdar men qyzmetkerlerdi ornalastyrý jáne olardyń jumys isteýi úshin qajetti ákimshilik ǵimarattar daiyn ekenin kórsetti.
Esterińizge sala keteiik, biyl 16 naýryzda Memleket basshysy Parlament palatalarynyń birlesken otyrysynda Qazaqstanda úsh jańa oblys qurylatynyn málimdedi. Memleket basshysynyń tapsyrmasyn iske asyrý aiasynda Úkimettik komissiia quryldy, ol aýdandyq jáne oblystyq máslihattar deńgeiinde jariia tyńdaýlar uiymdastyrýdy, turǵyndardyń jergilikti ókildi organdarmen kezdesýlerin, sondai-aq respýblikalyq onomastikalyq komissiianyń otyrysy sekildi aýqymdy jumys júrgizdi.
