Ekonomikany jańǵyrtý jónindegi memlekettik komissiia «Samuryq-Qazyna» UÁQ» AQ aktivterin jekeshelendirý máselelerin qarastyrdy, dep habarlaidy primeminister.kz.
QR Premer-Ministri Asqar Maminniń tóraǵalyǵymen ótken Ekonomikany jańǵyrtý jónindegi memlekettik komissiianyń otyrysynda «Samuryq-Qazyna» UÁQ» AQ aktivterin jekeshelendirý máseleleri qaraldy.
Jekeshelendirýdiń 2016-2020 jyldarǵa arnalǵan keshendi josparyna «Samuryq-Qazyna» UÁQ» AQ-nyń 167 aktivi engizilgen, olardyń ishinde qazirgi ýaqytta 138 aktiv boiynsha tarmaqtar oryndaldy. 21 kompaniiada ótkizý jáne taratý/qaita uiymdastyrý jumystary júrgizilip jatyr.
Halyqaralyq kapital naryqtaryndaǵy joǵary qubylmalylyqqa, energiia tasyǵyshtarǵa baǵalardyń tómendeýine jáne álemdik ekonomikanyń ósý qarqynynyń báseńdeýine bailanysty «QazMunaiGaz», «Air Astana», «Taý-Ken Samuryq», «Qazaq Air», «Samuryq-Energo», «Qazaqstan temir joly» jáne basqa da birqatar strategiialyq aktivterdi básekeli ortaǵa berý merzimin 2021-2023 jyldarǵa aýystyrý týraly sheshim qabyldandy.
