Úkimet úiinde QR Premer-Ministri Álihan Smaiylovtyń tóraǵalyǵymen ótken Daǵdarysqa qarsy sharalar jónindegi jedel shtabtyń kezekti otyrysynda IT-salasyn qoldaý jáne damytý máselesi talqylandy, dep habarlaidy "Ult aqparat" Úkimettiń resmi saityna silteme jasap.
Tsifrlyq damý, innovatsiialar jáne aeroǵarysh ónerkásibi ministri Baǵdat Mýsinniń aitýynsha, ministrlik qalyptasqan jaǵdaiǵa turaqty negizde taldaý júrgizip jatyr jáne sarapshylar qaýymdastyǵymen birlesip, otandyq aqparattyq tehnologiialar salasyn qoldaý boiynsha birqatar usynys ázirledi.
Atap aitqanda, IT-mamandaryna áskeri qyzmetti keiinge qaldyrý, otandyq IT-sheshimderdi engizý úshin jeńildikti kredit berý, «Astana Hub»-ta eksaýmaqtylyq qaǵidaty boiynsha salyq preferentsiialarynyń qoldanylýyn 2029 jylǵa deiin uzartý usynylady.
Qazaqstanda jumys isteýge qyzyǵýshylyq tanytatyn IT-mamandarynan kelip túsetin saýaldarǵa jedel jaýap berý úshin arnaiy jumys toby quryldy, onyń quramyna «Astana Hub» halyqaralyq IT-startaptar tehnoparkiniń, «Azamattarǵa arnalǵan úkimet» KEAQ, Nur-Sultan jáne Almaty qalalary ákimdikteriniń ókilderi kirdi.
Jumys tobynyń qyzmeti aiasynda Qazaqstanǵa kelýge múddeli kompaniialarmen qarym-qatynas jolǵa qoiylǵan. Ózekti aqparatty alý úshin elge kirý, turý jáne kompaniia ashý týraly, sondai-aq IT-salasyn memlekettik qoldaý sharalary týraly tolyq nusqaýlyqtary bar veb-sait quryldy.
Áleýmettik jelilerde qatysýshylar biznesti júrgizýge qatysty suraqtarǵa shuǵyl túrde jaýap ala alatyn top quryldy. IT-kompaniialardy kóshirý kezinde qoldaý kórsetetin beiindi vedomstvolarmen jumys retke keltirildi. Otyrysty qorytyndylai kele, Úkimet basshysy Álihan Smaiylov múddeli memlekettik organdarmen atalǵan qoldaý sharalaryn pysyqtaýdy tapsyrdy.
