QR Premer-Ministri Baqytjan Saǵyntaevtyń tóraǵalyǵymen ótken Úkimet otyrysynda «Nurly jol» infraqurylymdy damytýdyń memlekettik baǵdarlamasyn iske asyrýdyń birinshi jartyjyldyqtaǵy nátijeleri qaraldy.
Ulttyq ekonomika ministri T. Súleimenov memlekettik baǵdarlamany iske asyrýǵa 2017 jyly 484,2 mlrd teńge qarastyrylǵanyn atap ótti. Qarajat kólik-logistikalyq jáne indýstriialyq infraqurylymdy damytý, jylýmen-, sýmen jabdyqtaý jáne sý tartý, bilim berý salasynyń infraqurylymyn damytý, HQU-men jobalardy ortaq qarjylandyrý sekildi baǵyttar boiynsha jobalardy iske asyrýǵa bólinedi.
QR investitsiialar jáne damý ministri Jeńis Qasymbek avtojol jobalaryn iske asyrý, kólik-logistikalyq áleýetti damytý jumystary, sondai-aq, temir jol ári áýe kólikterinde júk jáne jolaýshylar aǵynyn ulǵaitý sharalary týraly baiandady.
Jalpy, «Nurly jol» baǵdarlamasy aiasynda infraqurylymdyq jobalardy keńinen júzege asyrý tasymaldardyń jyldamdyǵyn ulǵaitýǵa, kólik shyǵyndaryn tómendetýge, tranzittik áleýetti iske asyrý men servisti jaqsartýǵa múmkindik beredi. Bul Qazaqstannyń áleýmettik-ekonomikalyq damýyna, ónimdilik pen iskerlik belsendiliktiń artýyna oń yqpal etedi.
Otyrysta QR bilim jáne ǵylym ministri E. Saǵadiev, «Samuryq-Qazyna» AQ basqarma tóraǵasy Ó. Shókeev, QR qarjy vitse-ministri T. Saveleva, «Báiterek» holdingi tóraǵasynyń orynbasary A. Arifhanov, Jambyl jáne Aqmola oblystarynyń ákimderi K. Kókirekbaev pen M. Myrzalin sóz sóiledi.
Máseleni qaraý qorytyndysyn shyǵara otyryp, QR Premer-Ministri Baqytjan Saǵyntaev QR Ulttyq ekonomika ministrligine QR Qarjy ministrligimen jáne baǵdarlamalardyń ákimshilerimen birlesip, biýdjettik qarajattardyń ýaqytyly oryndalýy men jobalardyń iske asyrylýyn turaqty baqylaýda ustaýdy tapsyrdy.
