QR Premer-Ministri Prezidenttiń Joldaýyn iske asyrý boiynsha Jalpyulttyq is-sharalar josparyn oryndaý (JUJ) máselesi boiynsha keńes ótkizdi. Bul týraly primeminister.kz saity habarlady.
QR ulttyq ekonomika ministri R. Dálenov Úkimetke bekitilgen 64 JUJ tarmaǵynyń 34-i oryndalǵanyn, qalǵany oryndalý ústinde ekenin baiandady.
Jalpyulttyq is-sharalar josparynyń sharalaryn iske asyrý barysy týraly QR aqparat jáne qoǵamdyq damý ministri D. Abaev, QR indýstriia jáne infraqurylymdyq damý ministri B. Atamqulov, QR aýyl sharýashylyǵy ministri S. Omarov, sondai-aq qarjy ministriniń birinshi orynbasary B. Sholpanqulov pen ishki ister ministriniń orynbasary A. Kalaichidi baiandady.
JUJ-dyń investitsiialardy tartý kólemin arttyrý, investitsiialyq ahýaldy jetildirý jáne eksportty yntalandyrý, memlekettik basqarý reformasyn júrgizý, onyń ishinde memlekettik qyzmetkerler men kvazimemlekettik sektor qyzmetkerleriniń sanyn ońtailandyrý, salyq júiesin jańǵyrtý jáne t. b. boiynsha tarmaqtaryna erekshe nazar aýdaryldy.
Úkimet basshysy QR Prezidentiniń 2019 jylǵy 2 qyrkúiektegi Joldaýyn iske asyrý boiynsha Jalpyulttyq is-sharalar josparynyń barlyq tarmaqtaryn sapaly ári ýaqytyly oryndaýdy qamtamasyz etýdi tapsyrdy.
.jpeg)