Búgin Úkimet úiinde el azamattarynyń tabysyn arttyrý men turmys sapasyn jaqsartý, sondai-aq kóp balaly otbasylardy qoldaý sharalaryn kúsheitý máselesi qaraldy. Otyrysqa QR premer-ministriniń orynbasary Erbolat Dosaevtyń tóraǵalyq etti.
Atap aitqanda, elimizdiń óńirlerinde kóp balaly otbasylarmen kezdesýler jáne aýlalardy aralaý barysynda jurtshylyqtan túsken naqty usynystar talqylandy, dep habarlady premer-ministrdiń resmi saity.
Jumystyń negizgi baǵyttary retinde mynalar anyqtaldy:
- biýrokratiialyq rásimderdi ońailatý arqyly ataýly áleýmettik kómek alýdy jeńildetý;
- memlekettiń qoldaýyna muqtaj kóp balaly otbasylarǵa járdemaqy tóleý tetigin jetildirý;
- jergilikti atqarýshy organdar jekelei kóp balaly otbasydan shyqqan balalardy bastaýysh synypta tegin ystyq tamaqpen, qoǵamdyq kólikte jol júrý biletimen qamtýdy jáne t.b. keńeitý máselesin qarastyrady;
- asa muqtaj kóp balaly otbasylardyń turǵyn úi jaǵdaiyn jaqsartý turǵysynan mýnitsipaldy arendalyq turǵyn úige qoljetimdilikti arttyrý múmkindigi jekelei qarastyrylady.
Eńbek jáne halyqty áleýmettik qorǵaý ministri M. Ábilqasymova elimizdiń barlyq óńirinde operativtik shtabtar qurylǵanyn aitty. Halyqpen jáne bastamashy toptarmen kezdesýler ótkizilip jatyr, sonymen qatar balaly otbasylardyń turǵyn úi-turmys jaǵdaiyn tekserý maqsatynda aýlalardy aralaý jumystary júrgizilýde.
Al qarjy ministri Á. Smaiylov respýblikalyq biýdjetten 2019 jylǵa áleýmettik salaǵa 4,8 trillion teńge bólinetinin málimdedi, bul biýdjettiń barlyq shyǵynynyń 45% quraidy.
Jumys tobynyń kelesi otyrysy 21 aqpanda ótkizilmek.
