Búgin QR Premer-Ministri Baqytjan Saǵyntaevtyń tóraǵalyǵymen ótken Úkimet otyrysy aiasynda 2018-2022 jyldarǵa arnalǵan áleýmettik-ekonomikalyq damý boljamy men negizgi basymdyqtary qaraldy, dep habarlaidy "Ult aqparat".
QR ulttyq ekonomika ministri Timýr Súleimenov qujat «Qazaqstan-2050» strategiiasynda», 30 ozyq damyǵan eldiń qataryna kirý tujyrymdamasynda, bes institýtsionaldyq reformada, sondai-aq Qazaqstannyń úshinshi jańǵyrýynda kórsetilgen maqsattar men mindetterdi iske asyrý úshin ázirlengenin málimdedi.
Jyl basynan beri Qazaqstanda ekonomikalyq belsendiliktiń jaqsarǵany baiqalýda. 7 aidaǵy JIÓ ósimi 4 %-dy qurady. Jyl qorytyndysy boiynsha 3,4% deńgeide ekonomika ósimi bolady dep kútilýde. Budan ózge, HVQ boljamyna sáikes, 2017-2018 jyldary ekonomikasy damyǵan elderdiń belsendiliginiń artýy sebebinen 3,5–3,6% deńgeide álemdik ilgerilemeli ekonomikalyq ósim bolady dep kútilýde.
2018-2022 jyldarǵa arnalǵan boljam men 2018-2020 jyldarǵa arnalǵan biýdjettik parametrlerdi qalyptastyrýdyń negizi retinde munai baǵasy — $45 kezindegi bazalyq stsenarii alyndy.
JIÓ naqty ósimi 2018 jyly 3,1% deńgeiinde boljanǵan, 2022 jyly 4,2%-ǵa deiin ósim kútilýde. JIÓ ósiminiń ortasha jyldyq qarqyny aldaǵy kezeńde 3,7%-dy quraidy. Ataýly JIÓ aldaǵy jyly 55,9 trln teńgeden 2022 jyly 75,9 trln teńgege deiin ósedi. Halyqtyń jan basyna shaqqanda JIÓ 2018 jyly $9’000 quraidy, 2022 jyly $11’700 deiin ulǵaitylady.
IIDMB jobalaryn engizý, «Nurly jol» jáne «Nurly jer», AÓK damytý memlekettik baǵdarlamalaryn iske asyrýdy jalǵastyrý, sondai-aq Úshinshi jańǵyrtýdy iske asyrý boiynsha jobalyq basqarýdy engizýdiń arqasynda óńdeý ónerkásibinde 4,2% deńgeiinde, aýyl sharýashylyǵynda — 5,7%, qurylys salasynda — 4,0%, kólik salasynda— 5,1% jáne saýdada — 3,5% ósimniń joǵary qarqyny oryn alady dep kútilýde.
Ulttyq bank 2018 jyly 5–7% aralyǵynda, 2019 jyly 4–6% aralyǵynda jáne 2020-2022 jyldary 3–4% tómendetý arqyly jyldyq infliatsiianyń maqsatty dálizin saqtaǵan. Jumyssyzdyq deńgeii 2018 jyly 4,9%-dan 2022 jyly 4,7%-ǵa deiin qysqartylady.
Ósim parametrlerine qol jetkizý úshin negizgi nazar ekonomikalyq saiasattyń kelesi basymdyqtaryna beriledi: makroekonomikalyq turaqtylyqpen qamtamasyz etý, jedeldetilgen tehnologiialyq jańǵyrtý, biznes ortany túbegeili jaqsartý men keńeitý, adam kapitalynyń sapasyn jaqsartý, institýtsionaldyq qaita qurý.
Sondai-aq, negizgi basymdyq ekonomikalyq derbestik pen óńirlerdiń jaýapkershiligin nyǵaityp, keńeitý jáne Qazaqstan azamattaryna ómir súrý mekenine qaramastan birdei deńgeide ómirlik jáne eńbek jaǵdailaryn jasaý maqsatynda teńdestirilgen aimaqtyq damytýǵa baǵyttalady.
