QR Premer-Ministriniń orynbasary Roman Skliardyń tóraǵalyǵymen 50-den astam germandyq kompaniia basshylarynyń qatysýymen kezekti veb-konferentsiia ótti. Bul týraly primeminister.kz.
Is-shara mashina jasaý salasyndaǵy eki jaqty yntymaqtastyqty damytýǵa, sondai-aq QR Prezidenti Qasym-Jomart Toqaevtyń 2019 j. 2020 j. basynda GFR-ǵa sapary aiasynda german biznesimen kezdesýi barysynda qol jetkizilgen ýaǵdalastyqtardy is júzinde júzege asyrýǵa arnaldy.
«Qazaqstan ekonomikasynyń ózin-ózi qamtamasyz etýine jáne qolda bar qýatty shikizat bazasy negizinde indýstriialyq ónerkásipte jańa óndiristerdi damytýǵa erekshe kóńil bólinetin bolady. Óńdeýshi ónerkásipke basty nazar aýdara otyryp, ártaraptandyrylǵan ekonomika qurý bizdiń ekonomikamyzdyń damýynyń erekshe basymdyǵy», - dedi Roman Skliar.
Germaniia ekonomikasy Shyǵys komitetiniń basqarýshy direktory M. Harms Qazaqstan men Germaniia arasyndaǵy jan-jaqty saýda-ekonomikalyq jáne investitsiialyq yntymaqtastyqty damytýdyń mańyzdylyǵyn atap ótip, daǵdarystyń GFR ónerkásip salasyna teris áserin azaitý jónindegi sharalar týraly habarlady.
Onlain-kezdesý barysynda «QMJO» ZTB Basqarma tóraǵasy Meiram Pishembaev Germaniia kapitaly bar kompaniialardy qosa alǵanda, elimizdegi 40 mashina jasaý kásiporny bar biznes-qaýymdastyqtyń qyzmeti týraly aitty. Óz sózinde ol Qazaqstanda mashina jasaý salasyn damytýdyń perspektivalaryna, 2019-2024 jyldarǵa arnalǵan Jol kartasyn iske asyrýǵa jáne ónerkásipti damytý qoryn qurýǵa erekshe nazar aýdardy.
Veb-konferentsiianyń sońynda pikirtalas óttip, onyń barysynda qatysýshylar saýda-ekonomikalyq bailanystardy jandandyrý týraly sóz etti, birqatar praktikalyq máselelerdi talqylap, bolashaqta osyndai kezdesýlerdi júieli túrde ótkizýdi jalǵastyrýǵa kelisti.
