Búgin Úkimet úiinde QR Premer-Ministri Álihan Smaiylov daǵdarysqa qarsy qosymsha sharalar jóninde keńes ótkizdi. Otyrys barysynda Úkimettiń syrtqy ekonomikalyq jáne geosaiasi faktorlardyń qazaqstandyq óndirýshilerge áserin muqiiat qadaǵalap otyrǵany atalyp ótti, dep habarlaidy "Ult aqparat" Premer-Ministrdiń resmi saityna silteme jasap.
Otandyq kompaniialardyń odan ári damýy jáne ákimshilik júktemeni tómendetý úshin birqatar jańa qoldaý sharalaryn engizý usynyldy.
Osylaisha, memlekettik satyp alý aiasynda óz mindettemelerin oryndaý kezinde fors-majorlyq jaǵdailarǵa (logistikalyq dálizderdiń jabylýy, jetkizilimderdiń ýaqytyly oryndalmaýy jáne t. b.) tap bolǵan kompaniialardy Josyqsyz jetkizýshiler tizilimine engizbeý tetikterin pysyqtaý usynylady.
Sonymen qatar, aýyl sharýashylyǵy óndirýshilerin qoldaý úshin saqtandyrý syiaqylaryn memlekettik sýbsidiialaý kólemin ulǵaitý kerektigi nazarǵa alyndy.
Sondai-aq elimizde shyǵarylatyn aýyl sharýashylyǵy tehnikasynyń jeńildikti lizingin keńeitý týraly usynys qoldaý tapty.
QR Premer-Ministri usynystardy qoldap, olardy júzege asyrý máselelerin pysyqtaýdy tapsyrdy.
