Foto: parlam.kz
Úkimet álemdegi kúrdeli jaǵdai aiasynda tiisti qadamdardy jasap jatyr. Bul týraly Joǵary aýditorlyq palatanyń tóraǵasy Natalia Godýnova aitty, dep habarlaidy QazAqparat.
Búgin Senattyń jalpy otyrysynda Úkimettiń jáne Joǵary aýditorlyq palatanyń 2022 jylǵy respýblikalyq biýdjettiń atqarylýy týraly esepteri qaraldy.
Osy oraida jalpy otyrystan keiin tilshiler palata basshysynan biýdjettiń atqarylýynda memlekettik organdardyń kemshilikteri boiynsha qandai jaýapkershilik bolatynyn surady.
Óz kezeginde Natalia Godýnova biýdjettiń oryndalýyna qatysty Úkimetke jii syn aitylatynyn, alaida bul salada obektivti sebepter bar ekenin aitty.
«Joǵary aýditorlyq palata óziniń quzyreti aiasynda syn aityp jatady. Aýdit júieli problemany, kemshilikterdi, zań talaptaryn buzý derekterin anyqtaidy. Bul bizdiń negizgi mindetimiz. Biraq Úkimettiń aldynda turǵan qiyndyqtardy da nazarǵa alǵan jón. Álemdegi geosaiasi jaǵdaidy, álemdik naryqtardaǵy týrbýlenttilik, Qazaqstannyń negizgi eksporttyq taýarlary baǵasynyń qubylmalylyǵy siiaqty qazirgi jaǵdaida ózińizdi úkimettiń ornyna qoiyp kórińiz. Osyndai jaǵdaida belgilengen mindetterdi oryndaý asa kúrdeli bolyp tur. Eger Úkimet júzege asyrǵan qadamdar oryndalmasa, onda elimizdegi jaǵdai aitarlyqtai qiyn bolar edi», - dedi ol.
Onyń sózine qaraǵanda, biýdjettiń atqarylýy salasynda júieli problemalardy anyqtap, kemshilikterge jol bermeýge erekshe ekpin qoiylyp otyr. Joǵary aýditorlyq palatanyń mindeti – osy júieli problemalardy anyqtaý.
Búgin Senattyń jalpy otyrysynda Joǵary aýditorlyq palatanyń tóraǵasy Natalia Godýnova tiimsiz salyq jeńildikterin alyp tastaýdy usyndy.
