QR Ulttyq bankiniń tóraǵasy Erbolat Dosaev zeinetaqy jinaqtarynyń bir bóligin jeke basqarýǵa berý jumystary týraly aitty, dep habarlaidy QazAqparat.
«Kún tártibindegi taǵy bir mańyzdy másele - zeinetaqy aktivteriniń bir bóligin jeke basqarýǵa berý. Zeinetaqy aktivterin berýdiń negizgi sharttaryn Úkimet pen qarjylyq qaýymdastyq qarastyryp jatyr. Bul qor naryǵyndaǵy institýtsionaldy suranysty kúsheitedi jáne zeinetaqy aktivterin investitsiialyq basqarýdyń básekege qabiletti naryǵyn qalyptastyrady», - dedi Erbolat Dosaev «Qarjy naryǵy jáne Qazaqstan ekonomikasynyń naqty sektory» konferentsiiasynda.
«Naryq qatysýshylarymen birlesken jumys nátijesinde qor naryǵyn retteýdi jan-jaqty yryqtandyrý jáne onyń infraqurylymyn ońtailandyrý júzege asyryldy. Bul sharalar naryqtyq shyǵyndardy azaityp, qarjy institýttarynyń investitsiialyq múmkindikterin keńeitti. Álemdik tájiribede jeke investorlardyń belsendi qatysýy qor naryǵynyń odan ári ósýiniń negizgi sharttarynyń biri bolyp tabylady», - dedi QR Ulttyq bank basshysy.
Qazir Qazaqstanda 55 investitsiialyq qor jumys isteidi. Olardyń aktivteriniń kólemi 2016 jyldyń basynan beri 4 ese artyp, 237 mlrd teńgege jetti. Bul ujymdyq investitsiialaý nysandaryndaǵy investorlardyń úlesiniń artqandyǵyn kórsetedi.
