Úkimet veterinarlyq qyzmetti nyǵaitý boiynsha keshendi sharalar ázirleýi qajet. Bul týraly koronavirýs indetiniń ekinshi kezeńine daiyndyq máseleleri boiynsha ótken keńeste Memleket basshysy Qasym-Jomart Toqaev aitty, dep habarlaidy "Ult aqparat".
Veterinarlyq qyzmet damýynyń tómen deńgeii qus tumaýy órshýiniń aldyn alý boiynsha sharalardy der ýaqytynda qabyldaýǵa múmkindik bermedi. Qustardyń jalpy ólim-jitimi jeke aýlalarda 24 myńnan astamdy, negizgi eki qus fabrikasynda 500 myńnan astamdy qurady. Sondyqtan ta ahýal óte kúrdeli. Oǵan barynsha baiyppen nazar aýdarǵan jón», - dedi Memleket basshysy.
Qazaqstan Prezidenti veterinarlyq qyzmet eldiń biologiialyq qaýipsizdigi jalpy júiesiniń bir bóligi ekendigine nazar aýdartty.
«Úkimetke veterinarlyq qyzmetti nyǵaitý boiynsha keshendi sharalar ázirleý qajet. Óitkeni, veterinralyq qyzmettiń damý deńgeii qaýipsizdik máselelerimen qatar aýyl sharýashylyǵy ónimderin eksportqa shyǵarý múmkindigine de tikelei áser etedi», -dedi Qasym-Jomart Toqaev.
