QR Premer-Ministri Álihan Smaiylov Investitsiialyq ahýaldy jaqsartý jónindegi keńes otyrysyn ótkizdi, onda halyqaralyq ekonomikalyq ózara is-qimyldyń ózekti máseleleri qaraldy, dep habarlaidy "Ult aqparat" Úkimet basshysynyń baspasóz qyzmetine silteme jasap.
Is-sharaǵa QR amerikalyq saýda palatasynyń atqarýshy direktory Doris Bredberi, Ulybritaniianyń Qazaqstan Respýblikasyndaǵy elshisi Keti Lich, Eýropalyq Odaq delegatsiiasynyń Qazaqstan Respýblikasyndaǵy elshisi Kestýtis Iankaýskas, EQDB-nyń Qazaqstan boiynsha direktory Hýsein Ojan, EYDU Eýraziialyq bólimshesiniń basshysy Ýiliam Tompson, NCOC basqarýshy direktory Olive Lazar, «ArselorMittal Temirtaý» Bas atqarýshy direktory Bidjý Nair, Philip Morris International óńirlik direktory Hýan Karlos Eskobar, sondai-aq QR ortalyq memlekettik organdarynyń basshylary qatysty.
Otyrysqa qatysýshylar qazirgi geosiasi ahýaldyń Qazaqstannyń investitsiialyq qoǵamdastyǵyna, logistika jáne bank isine áserin talqylady.
Búgingi tańda kólik-logistikalyq júieler Halyqaralyq ekonomikalyq qatynastardyń eń osal sektory ekeni atap ótildi.
Otyrys barysynda QR Premer-Ministri syrtqy ekonomikalyq kúizelisterge qaramastan, Úkimette yqtimal daǵdarystyq qubylystardy eńserý úshin barlyq qajetti quraldar men resýrstar bar ekenin atap ótti.
«Búgin aitylǵan barlyq usynystar pysyqtalyp, Úkimet jumysynda eskeriletin bolady», — dedi Álihan Smaiylov.
