QR Premer-Ministriniń tóraǵalyǵymen ótken Úkimet otyrysynda Memleket basshysynyń «Syndarly qoǵamdyq dialog – Qazaqstannyń turaqtylyǵy men órkendeýiniń negizi» joldaýyn iske asyrý sharalary qaraldy. Biýdjettik-qarjy baǵyty boiynsha QR Premer-Ministriniń Birinshi orynbasary – qarjy ministri Álihan Smaiylovtyń baiandamasy tyńdaldy, dep habarlaidy "Ult aqparat".
Qazaqstan Prezidenti Q. Toqaev óz Joldaýynda 2025 jylǵa qarai jalpy ishki ónimniń jyl saiynǵy ósýin keminde 5% etip turaqty qamtamasyz etýge múmkindik beretin qurylymdyq ózgeristerdi iske asyrý qajettigi týraly atap ótti.
Á. Smaiylovtyń aitýynsha, bul úshin Úkimet ekonomikany ártaraptandyrý jónindegi jumysty jalǵastyrady jáne memlekettik organdardyń da, kvazimemlekettik sektordyń da qyzmetine fýnktsionaldyq taldaý júrgizýdi jandandyrady. Sondai-aq, qazaqstandyq jáne sheteldik sarapshylardyń zertteýleri muqiiat taldanatyn bolady.
Sonymen qatar, Memleket basshysy Joldaýda memlekettik qyzmetkerlerdiń jumysynyń tiimdiligin arttyrý maqsatynda olardyń qataryna daǵdylardy meńgergen jas mamandardy tartý qajet ekenin atap ótti.
«2020 jyldan bastap memlekettik qyzmetshiler sanyn birtindep qysqartýǵa baǵyttalǵan jumys júrgiziledi, al bosatylǵan qarajat neǵurlym paidaly qyzmetkerlerdi materialdyq yntalandyrýǵa jumsalatyn bolady. 2024 jylǵa qarai memlekettik qyzmetshiler men ulttyq kompaniialar qyzmetkerleriniń sany 25%-ǵa qysqaratyn bolady», — dedi Á. Smaiylov.
QR Premer-Ministriniń Birinshi orynbasary – qarjy ministriniń aitýynsha, basym mindetterdiń biri — kvazimemlekettik sektordan qaitarymdy arttyrý.
«Ulttyq ál-aýqat qorynyń ótken 14 jyldaǵy halyqtyń ál-aýqatynyń ósýine naqty úlesi baǵalanatyn bolady. Úkimet Esep komitetimen birge úsh ailyq merzimde memlekettik holdingter men ulttyq kompaniialardyń tiimdiligine taldaý júrgizedi.
Jumyssyzdyqty azaitý jáne aýyl halqynyń ómir súrý deńgeiin kóterý sheńberinde Ulttyq qordan 100 mlrd teńgege jýyq qarajat bólindi. Osy jyldyń sońyna deiin mikro jáne shaǵyn biznes kompaniialaryn olardyń negizgi qyzmetinen úsh jyl merzimge salyq tóleýden bosatý jónindegi zańnamalyq negiz ázirlenetin bolady. 2020 jyldyń qańtarynan bastap shaǵyn jáne orta biznes sýbektilerin tekserýge úsh jyldyq tyiym salý kúshine enedi.», — dep naqtylady Á. Smaiylov.
Sonymen qatar, QR Qarjy ministrligi memlekettik satyp alý máseleleri boiynsha zań jobasyn ázirledi, ol da shaǵyn biznesti yntalandyrýǵa baǵyttalǵan.
«Qolma-qol aqshasyz tólemderdi yntalandyrý, kóleńkeli ekonomikaǵa qarsy is-qimyl jónindegi jumys kúsheitiledi, kapitaldardy shyǵarýmen, salyq tóleýden bas tartýmen kúres qatańdandyrylady. Jaqynda ekonomikalyq tergeý qyzmetiniń jumysy qaita qalyptastyryldy jáne ońtailandyryldy.
Memleket basshysy Joldaý aiasynda salyq júiesin ulttyq tabysty barynsha ádil bólýge nazar aýdara otyryp, jańǵyrtýdy tapsyrdy. Bul úshin Úkimet kompaniialar úshin adami kapitalǵa, eńbek ónimdiligin arttyrýǵa, tehnikalyq qaita jaraqtandyrýǵa, eksportqa investitsiia salýǵa yntalandyratyn aǵymdaǵy salyq júiesiniń sapasyn arttyrý jóninde sharalar qabyldaidy. Salyq kodeksinde kózdelmegen tólemderge, alymdarǵa tyiym salynady. », — dedi Á. Smaiylov.
Mańyzdy mindetterdiń biri – biýdjettiń jáne Ulttyq qordyń qarajatyn paidalanýdyń tiimdiligin arttyrý. Osyǵan bailanysty, Ulttyq bankpen birlesip aǵymdaǵy jyldyń sońyna deiin Ulttyq qordy investitsiialaý jáne paidalaný sapasyn arttyrý jóninde naqty usynystar ázirlenetin bolady.
«Halyqty áleýmettik qoldaýdy kúsheitý úshin barlyq tiimsiz shyǵystardy qysqartý jáne biýdjet kiristerin arttyrý esebinen budan ári rezervter izdestiriletin bolady», — dedi Á. Smaiylov.
Qarjy ministrligi kedendik ákimshilendirýdi jaqsartý jáne kúsheitý jónindegi keshendi jumysty jalǵastyrady. Memlekettik satyp alý júiesi budan ári jetildiriletin bolady.
«Tiisti zań jobasy ázirlendi, ol adal básekelestikti yntalandyrýǵa, sybailas jemqorlyq táýekelderin tómendetýge, sondai-aq taýarlardyń, jumystardyń, kórsetiletin qyzmetterdiń sapasyn jáne ónim berýshilerdiń biliktiligin arttyrýǵa baǵyttalǵan. Osynyń barlyǵy biýdjetke qosymsha tabys alýǵa múmkindik beredi.
Bul rette shyǵyndardy ońtailandyrý jáne aktivterdi investitsiialyq basqarýdyń sapasyn jaqsartý maqsatynda Úkimetke biryńǵai áleýmettik qor qurý jáne bir áleýmettik tólem engizý jolymen áleýmettik qamtamasyz etýdiń biýdjetten tys júiesin shoǵyrlandyrý máselesin zerdeleý tapsyryldy.
Jaqyn arada atalǵan jumysty pysyqtaimyz. Sondai-aq jergilikti biýdjetterdi qalyptastyrýǵa halyqty naqty tarta otyryp, barlyq deńgeilerde biýdjet protsesin uiymdastyrý qurylatyn bolady. Aýdandyq, qalalyq jáne aýyldyq bilik deńgeileri jergilikti mańyzy bar mindetterdi sheshýde ekonomikalyq jaǵynan neǵurlym derbes bolýy úshin tiisti zańnamalyq aktiler qabyldanatyn bolady.
Jalpy, Joldaýda kórsetilgen tapsyrmalardy iske asyrý jáne oryndaý boiynsha tiisti is-qimyl jospary ázirlenedi», — dedi Á. Smaiylov.
