قر پرەمەر-مينيسترٸنٸڭ تٶراعالىعىمەن ٶتكەن ٷكٸمەت وتىرىسىندا مەملەكەت باسشىسىنىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن ٶركەندەۋٸنٸڭ نەگٸزٸ» جولداۋىن ٸسكە اسىرۋ شارالارى قارالدى. بيۋدجەتتٸك-قارجى باعىتى بويىنشا قر پرەمەر-مينيسترٸنٸڭ بٸرٸنشٸ ورىنباسارى – قارجى مينيسترٸ ەليحان سمايىلوۆتىڭ بايانداماسى تىڭدالدى, دەپ حابارلايدى "ۇلت اقپارات".
قازاقستان پرەزيدەنتٸ ق. توقاەۆ ٶز جولداۋىندا 2025 جىلعا قاراي جالپى ٸشكٸ ٶنٸمنٸڭ جىل سايىنعى ٶسۋٸن كەمٸندە 5% ەتٸپ تۇراقتى قامتاماسىز ەتۋگە مٷمكٸندٸك بەرەتٸن قۇرىلىمدىق ٶزگەرٸستەردٸ ٸسكە اسىرۋ قاجەتتٸگٸ تۋرالى اتاپ ٶتتٸ.
ە. سمايىلوۆتىڭ ايتۋىنشا, بۇل ٷشٸن ٷكٸمەت ەكونوميكانى ەرتاراپتاندىرۋ جٶنٸندەگٸ جۇمىستى جالعاستىرادى جەنە مەملەكەتتٸك ورگانداردىڭ دا, كۆازيمەملەكەتتٸك سەكتوردىڭ دا قىزمەتٸنە فۋنكتسيونالدىق تالداۋ جٷرگٸزۋدٸ جانداندىرادى. سونداي-اق, قازاقستاندىق جەنە شەتەلدٸك ساراپشىلاردىڭ زەرتتەۋلەرٸ مۇقييات تالداناتىن بولادى.
سونىمەن قاتار, مەملەكەت باسشىسى جولداۋدا مەملەكەتتٸك قىزمەتكەرلەردٸڭ جۇمىسىنىڭ تيٸمدٸلٸگٸن ارتتىرۋ ماقساتىندا ولاردىڭ قاتارىنا داعدىلاردى مەڭگەرگەن جاس مامانداردى تارتۋ قاجەت ەكەنٸن اتاپ ٶتتٸ.
«2020 جىلدان باستاپ مەملەكەتتٸك قىزمەتشٸلەر سانىن بٸرتٸندەپ قىسقارتۋعا باعىتتالعان جۇمىس جٷرگٸزٸلەدٸ, ال بوساتىلعان قاراجات نەعۇرلىم پايدالى قىزمەتكەرلەردٸ ماتەريالدىق ىنتالاندىرۋعا جۇمسالاتىن بولادى. 2024 جىلعا قاراي مەملەكەتتٸك قىزمەتشٸلەر مەن ۇلتتىق كومپانييالار قىزمەتكەرلەرٸنٸڭ سانى 25%-عا قىسقاراتىن بولادى», — دەدٸ ە. سمايىلوۆ.
قر پرەمەر-مينيسترٸنٸڭ بٸرٸنشٸ ورىنباسارى – قارجى مينيسترٸنٸڭ ايتۋىنشا, باسىم مٸندەتتەردٸڭ بٸرٸ — كۆازيمەملەكەتتٸك سەكتوردان قايتارىمدى ارتتىرۋ.
«ۇلتتىق ەل-اۋقات قورىنىڭ ٶتكەن 14 جىلداعى حالىقتىڭ ەل-اۋقاتىنىڭ ٶسۋٸنە ناقتى ٷلەسٸ باعالاناتىن بولادى. ٷكٸمەت ەسەپ كوميتەتٸمەن بٸرگە ٷش ايلىق مەرزٸمدە مەملەكەتتٸك حولدينگتەر مەن ۇلتتىق كومپانييالاردىڭ تيٸمدٸلٸگٸنە تالداۋ جٷرگٸزەدٸ.
جۇمىسسىزدىقتى ازايتۋ جەنە اۋىل حالقىنىڭ ٶمٸر سٷرۋ دەڭگەيٸن كٶتەرۋ شەڭبەرٸندە ۇلتتىق قوردان 100 ملرد تەڭگەگە جۋىق قاراجات بٶلٸندٸ. وسى جىلدىڭ سوڭىنا دەيٸن ميكرو جەنە شاعىن بيزنەس كومپانييالارىن ولاردىڭ نەگٸزگٸ قىزمەتٸنەن ٷش جىل مەرزٸمگە سالىق تٶلەۋدەن بوساتۋ جٶنٸندەگٸ زاڭنامالىق نەگٸز ەزٸرلەنەتٸن بولادى. 2020 جىلدىڭ قاڭتارىنان باستاپ شاعىن جەنە ورتا بيزنەس سۋبەكتٸلەرٸن تەكسەرۋگە ٷش جىلدىق تىيىم سالۋ كٷشٸنە ەنەدٸ.», — دەپ ناقتىلادى ە. سمايىلوۆ.
سونىمەن قاتار, قر قارجى مينيسترلٸگٸ مەملەكەتتٸك ساتىپ الۋ مەسەلەلەرٸ بويىنشا زاڭ جوباسىن ەزٸرلەدٸ, ول دا شاعىن بيزنەستٸ ىنتالاندىرۋعا باعىتتالعان.
«قولما-قول اقشاسىز تٶلەمدەردٸ ىنتالاندىرۋ, كٶلەڭكەلٸ ەكونوميكاعا قارسى ٸس-قيمىل جٶنٸندەگٸ جۇمىس كٷشەيتٸلەدٸ, كاپيتالداردى شىعارۋمەن, سالىق تٶلەۋدەن باس تارتۋمەن كٷرەس قاتاڭداندىرىلادى. جاقىندا ەكونوميكالىق تەرگەۋ قىزمەتٸنٸڭ جۇمىسى قايتا قالىپتاستىرىلدى جەنە وڭتايلاندىرىلدى.
مەملەكەت باسشىسى جولداۋ اياسىندا سالىق جٷيەسٸن ۇلتتىق تابىستى بارىنشا ەدٸل بٶلۋگە نازار اۋدارا وتىرىپ, جاڭعىرتۋدى تاپسىردى. بۇل ٷشٸن ٷكٸمەت كومپانييالار ٷشٸن ادامي كاپيتالعا, ەڭبەك ٶنٸمدٸلٸگٸن ارتتىرۋعا, تەحنيكالىق قايتا جاراقتاندىرۋعا, ەكسپورتقا ينۆەستيتسييا سالۋعا ىنتالاندىراتىن اعىمداعى سالىق جٷيەسٸنٸڭ ساپاسىن ارتتىرۋ جٶنٸندە شارالار قابىلدايدى. سالىق كودەكسٸندە كٶزدەلمەگەن تٶلەمدەرگە, الىمدارعا تىيىم سالىنادى. », — دەدٸ ە. سمايىلوۆ.
ماڭىزدى مٸندەتتەردٸڭ بٸرٸ – بيۋدجەتتٸڭ جەنە ۇلتتىق قوردىڭ قاراجاتىن پايدالانۋدىڭ تيٸمدٸلٸگٸن ارتتىرۋ. وسىعان بايلانىستى, ۇلتتىق بانكپەن بٸرلەسٸپ اعىمداعى جىلدىڭ سوڭىنا دەيٸن ۇلتتىق قوردى ينۆەستيتسييالاۋ جەنە پايدالانۋ ساپاسىن ارتتىرۋ جٶنٸندە ناقتى ۇسىنىستار ەزٸرلەنەتٸن بولادى.
«حالىقتى ەلەۋمەتتٸك قولداۋدى كٷشەيتۋ ٷشٸن بارلىق تيٸمسٸز شىعىستاردى قىسقارتۋ جەنە بيۋدجەت كٸرٸستەرٸن ارتتىرۋ ەسەبٸنەن بۇدان ەرٸ رەزەرۆتەر ٸزدەستٸرٸلەتٸن بولادى», — دەدٸ ە. سمايىلوۆ.
قارجى مينيسترلٸگٸ كەدەندٸك ەكٸمشٸلەندٸرۋدٸ جاقسارتۋ جەنە كٷشەيتۋ جٶنٸندەگٸ كەشەندٸ جۇمىستى جالعاستىرادى. مەملەكەتتٸك ساتىپ الۋ جٷيەسٸ بۇدان ەرٸ جەتٸلدٸرٸلەتٸن بولادى.
«تيٸستٸ زاڭ جوباسى ەزٸرلەندٸ, ول ادال بەسەكەلەستٸكتٸ ىنتالاندىرۋعا, سىبايلاس جەمقورلىق تەۋەكەلدەرٸن تٶمەندەتۋگە, سونداي-اق تاۋارلاردىڭ, جۇمىستاردىڭ, كٶرسەتٸلەتٸن قىزمەتتەردٸڭ ساپاسىن جەنە ٶنٸم بەرۋشٸلەردٸڭ بٸلٸكتٸلٸگٸن ارتتىرۋعا باعىتتالعان. وسىنىڭ بارلىعى بيۋدجەتكە قوسىمشا تابىس الۋعا مٷمكٸندٸك بەرەدٸ.
بۇل رەتتە شىعىنداردى وڭتايلاندىرۋ جەنە اكتيۆتەردٸ ينۆەستيتسييالىق باسقارۋدىڭ ساپاسىن جاقسارتۋ ماقساتىندا ٷكٸمەتكە بٸرىڭعاي ەلەۋمەتتٸك قور قۇرۋ جەنە بٸر ەلەۋمەتتٸك تٶلەم ەنگٸزۋ جولىمەن ەلەۋمەتتٸك قامتاماسىز ەتۋدٸڭ بيۋدجەتتەن تىس جٷيەسٸن شوعىرلاندىرۋ مەسەلەسٸن زەردەلەۋ تاپسىرىلدى.
جاقىن ارادا اتالعان جۇمىستى پىسىقتايمىز. سونداي-اق جەرگٸلٸكتٸ بيۋدجەتتەردٸ قالىپتاستىرۋعا حالىقتى ناقتى تارتا وتىرىپ, بارلىق دەڭگەيلەردە بيۋدجەت پروتسەسٸن ۇيىمداستىرۋ قۇرىلاتىن بولادى. اۋداندىق, قالالىق جەنە اۋىلدىق بيلٸك دەڭگەيلەرٸ جەرگٸلٸكتٸ ماڭىزى بار مٸندەتتەردٸ شەشۋدە ەكونوميكالىق جاعىنان نەعۇرلىم دەربەس بولۋى ٷشٸن تيٸستٸ زاڭنامالىق اكتٸلەر قابىلداناتىن بولادى.
جالپى, جولداۋدا كٶرسەتٸلگەن تاپسىرمالاردى ٸسكە اسىرۋ جەنە ورىنداۋ بويىنشا تيٸستٸ ٸس-قيمىل جوسپارى ەزٸرلەنەدٸ», — دەدٸ ە. سمايىلوۆ.
