Sýret: ashyq derekkóz
QR Úkimeti Pavlodar, Ekibastuz jáne Aqsý qalalarynda jylý jelilerin salýǵa jáne rekonstrýktsiialaýǵa 9 mlrd teńge bóldi, dep habarlaidy "Ult aqparat".
QR Premer-Ministri Oljas Bektenov Pavlodar, Ekibastuz jáne Aqsý qalalarynda jylý jelilerin salýǵa jáne rekonstrýktsiialaýǵa Úkimet rezervinen 9 mlrd teńge bólý týraly qaýlyǵa qol qoidy.
Osylaisha, Pavlodarda (3,6 mlrd teńge) uzyndyǵy 2,5 shaqyrym bolatyn TM-13 jylý magistrali salynady. Bul 41,5 myń adam turatyn Pavlov – Shevchenko – Kataev kósheleri ornalasqan aýdandaǵy kóppáterli turǵyn úilerdi turaqty jylýmen qamtamasyz etýge múmkindik beredi.
Ekibastuzda jalpy uzyndyǵy shamamen 4 shaqyrym (3,6 mlrd teńge) bolatyn TM-1 jáne TM-3 jylý magistraldarynyń ýchaskeleri rekonstrýktsiialanady. Osy jumystyń arqasynda jańa turǵyn úilerdi, áleýmettik mekemelerdi, shaǵyn jáne orta biznes nysandaryn qosý kózdelgen. Bul 2 myńnan astam adamdy qamtidy.
Qalǵan 1,8 mlrd teńge Aqsýdaǵy №3,5 jáne 8 yqsham aýdandarda ornalasqan, uzyndyǵy 4,3 shaqyrym bolatyn oramishilik jylý jelilerin qaita jańartýǵa aýdarylady. Sońǵy 2 jylda atalǵan ýchaskelerde 40-tan astam aqaý tirkelgen. Rekonstrýktsiia jumysy 1,5 myńnan astam jergilikti turǵyndy sapaly jylýmen qamtamasyz etýge múmkindik beredi.
Pavlodar oblysy ákimdiginiń derekterine sáikes, búgingi tańda Pavlodarda jylýmen jabdyqtaý jelileriniń uzyndyǵy 828,1 km (ortasha tozý – 82,8%), Ekibastuzda – 422,5 km (90,7%), Aqsýda – 99,1 km (59%) quraidy.
Tehnikalyq tekserý nátijeleri boiynsha shuǵyl jumystar júrgizilýi tiis, tozý deńgeii asa joǵary 4 ýchaske anyqtaldy.
Esterińizge sala keteiik, QR Premer-Ministri Oljas Bektenov buǵan deiin Ekibastuz JEO-syn odan ári jańǵyrtýǵa: qazandyq agregattaryn kúrdeli jóndeýge jáne tundyrylǵan sý magistralin salýǵa rezervten 3,4 mlrd teńge bólý týraly Úkimet qaýlysyna qol qoiǵan bolatyn.
Sondai-aq aldaǵy jylytý maýsymyna daiyndyq aiasynda Kentaý, Ridder jáne Qyzylorda jylý kózderin jańǵyrtýǵa 16 mlrd teńge, Ridder jylý jelilerin kúrdeli jóndeýge 2,4 mlrd teńgeden astam qarajat jáne Kókshetaý qazandyqtaryn jóndeýge 816 mln teńge aýdarylǵan bolatyn.
