سۋرەت: اشىق دەرەككٶز
قر ٷكٸمەتٸ پاۆلودار, ەكٸباستۇز جەنە اقسۋ قالالارىندا جىلۋ جەلٸلەرٸن سالۋعا جەنە رەكونسترۋكتسييالاۋعا 9 ملرد تەڭگە بٶلدٸ, دەپ حابارلايدى "ۇلت اقپارات".
قر پرەمەر-مينيسترٸ ولجاس بەكتەنوۆ پاۆلودار, ەكٸباستۇز جەنە اقسۋ قالالارىندا جىلۋ جەلٸلەرٸن سالۋعا جەنە رەكونسترۋكتسييالاۋعا ٷكٸمەت رەزەرۆٸنەن 9 ملرد تەڭگە بٶلۋ تۋرالى قاۋلىعا قول قويدى.
وسىلايشا, پاۆلوداردا (3,6 ملرد تەڭگە) ۇزىندىعى 2,5 شاقىرىم بولاتىن تم-13 جىلۋ ماگيسترالٸ سالىنادى. بۇل 41,5 مىڭ ادام تۇراتىن پاۆلوۆ – شەۆچەنكو – كاتاەۆ كٶشەلەرٸ ورنالاسقان اۋدانداعى كٶپپەتەرلٸ تۇرعىن ٷيلەردٸ تۇراقتى جىلۋمەن قامتاماسىز ەتۋگە مٷمكٸندٸك بەرەدٸ.
ەكٸباستۇزدا جالپى ۇزىندىعى شامامەن 4 شاقىرىم (3,6 ملرد تەڭگە) بولاتىن تم-1 جەنە تم-3 جىلۋ ماگيسترالدارىنىڭ ۋچاسكەلەرٸ رەكونسترۋكتسييالانادى. وسى جۇمىستىڭ ارقاسىندا جاڭا تۇرعىن ٷيلەردٸ, ەلەۋمەتتٸك مەكەمەلەردٸ, شاعىن جەنە ورتا بيزنەس نىساندارىن قوسۋ كٶزدەلگەن. بۇل 2 مىڭنان استام ادامدى قامتيدى.
قالعان 1,8 ملرد تەڭگە اقسۋداعى №3,5 جەنە 8 ىقشام اۋدانداردا ورنالاسقان, ۇزىندىعى 4,3 شاقىرىم بولاتىن ورامٸشٸلٸك جىلۋ جەلٸلەرٸن قايتا جاڭارتۋعا اۋدارىلادى. سوڭعى 2 جىلدا اتالعان ۋچاسكەلەردە 40-تان استام اقاۋ تٸركەلگەن. رەكونسترۋكتسييا جۇمىسى 1,5 مىڭنان استام جەرگٸلٸكتٸ تۇرعىندى ساپالى جىلۋمەن قامتاماسىز ەتۋگە مٷمكٸندٸك بەرەدٸ.
پاۆلودار وبلىسى ەكٸمدٸگٸنٸڭ دەرەكتەرٸنە سەيكەس, بٷگٸنگٸ تاڭدا پاۆلوداردا جىلۋمەن جابدىقتاۋ جەلٸلەرٸنٸڭ ۇزىندىعى 828,1 كم (ورتاشا توزۋ – 82,8%), ەكٸباستۇزدا – 422,5 كم (90,7%), اقسۋدا – 99,1 كم (59%) قۇرايدى.
تەحنيكالىق تەكسەرۋ نەتيجەلەرٸ بويىنشا شۇعىل جۇمىستار جٷرگٸزٸلۋٸ تيٸس, توزۋ دەڭگەيٸ اسا جوعارى 4 ۋچاسكە انىقتالدى.
ەستەرٸڭٸزگە سالا كەتەيٸك, قر پرەمەر-مينيسترٸ ولجاس بەكتەنوۆ بۇعان دەيٸن ەكٸباستۇز جەو-سىن ودان ەرٸ جاڭعىرتۋعا: قازاندىق اگرەگاتتارىن كٷردەلٸ جٶندەۋگە جەنە تۇندىرىلعان سۋ ماگيسترالٸن سالۋعا رەزەرۆتەن 3,4 ملرد تەڭگە بٶلۋ تۋرالى ٷكٸمەت قاۋلىسىنا قول قويعان بولاتىن.
سونداي-اق الداعى جىلىتۋ ماۋسىمىنا دايىندىق اياسىندا كەنتاۋ, ريددەر جەنە قىزىلوردا جىلۋ كٶزدەرٸن جاڭعىرتۋعا 16 ملرد تەڭگە, ريددەر جىلۋ جەلٸلەرٸن كٷردەلٸ جٶندەۋگە 2,4 ملرد تەڭگەدەن استام قاراجات جەنە كٶكشەتاۋ قازاندىقتارىن جٶندەۋگە 816 ملن تەڭگە اۋدارىلعان بولاتىن.
