Búgin QR Premer-Ministri Baqytjan Saǵyntaevtyń tóraǵalyǵymen ótken Úkimet otyrysynda kommýnaldyq qyzmetter tarifterin tómendetý máselesi qaraldy. Qabyldanyp jatqan sharalar týraly ulttyq ekonomika ministri Timýr Súleimenov baiandady, dep habarlaidy "Ult aqparat" primeminister.kz portalyna silteme jasap.
Eske sala keteiik, buǵan deiin QR Premer-Ministri Baqytjan Saǵyntaev barlyq qazaqstandyqtar Memleket basshysynyń kommýnaldyq qyzmetter tarifterin tómendetý jónindegi tapsyrmasyn oryndaý nátijesin sezinýi tiis ekendigin aitqan bolatyn. Atap aitqanda, óńirlerdiń ákimderine Ulttyq ekonomika ministrligimen birlese otyryp, 2019 jyldyń 1 qańtaryna deiin PIK qyzmetteri men ákimdikter basqaratyn basqa da kommýnaldyq qyzmetter tarifterin tómendetý týraly tiisti sheshim qabyldaý tapsyryldy.
Atqarylǵan jumystar týraly ulttyq ekonomika ministri T. Súleimenov baiandady.
«PIK qyzmetteriniń tarifi 2,2%-dan 20%-ǵa deiin, qoqysty shyǵarý qyzmeti 1%-dan 24,7%-ǵa, al lift qyzmetteri boiynsha tarifter 3%-dan 50%-ǵa deiin arzandady», – dedi ministr. Sondai-aq, QR UEM «QazTransGaz Aimaq» AQ-men birlese otyryp, Atyraý jáne Qyzylorda oblystarynyń turǵyndaryna gaz baǵasyn tómendetý týraly ýaǵdalastyqqa qol jetkizdi.
Máseleni qaraý qorytyndysy boiynsha Premer-Ministr Baqytjan Saǵyntaev atalǵan máseleni 1 qańtardan bastap baqylaýǵa alýdy tapsyrdy. Tutynýshylarǵa kórsetiletin qyzmetterdiń tarifteri tómendetilýi tiis. Bul jumys jalǵasyn tabýy kerek.
B. Saǵyntaev Memleket basshysy alǵa qoiǵan mindetterdi oryndaý maqsatynda aýqymdy jumystar atqarylǵanyn atap ótti. Jyldy tabysty aiaqtaýǵa aitarlyqtai kúsh-jiger jumsaldy. Otandyq buqaralyq aqparat quraldary ókilderimen kezdesý barysynda Prezident bizde jyldy 4% ósimmen aiaqtaýǵa barlyq múmkindikter bar ekenin aitty. 11 aidyń qorytyndysy boiynsha biz osy jyldy 4,1% kórsetkishimen aiaqtadyq. Kóptegen is atqaryldy.
1. Aqmola oblysynyń ákimdigi kelesi tarifterdi tómendetýdi josparlap otyr: PIK qyzmeti úshin — 3%; qoqys jinaý — 5%; lift qyzmeti — 5%. 2. Aqtóbe oblysynyń ákimdigi kelesi tarifterdi tómendetýdi josparlap otyr: PIK qyzmetterine — 7,3%; qoqys jinaý — 1%; lift qyzmetteri — 10%. 3. Almaty oblysynyń ákimdigi kelesi tarifterdi tómendetýdi josparlap otyr:PIK qyzmetteri úshin — 11,06%; qoqys jinaý — 12,34%; lift qyzmeti — 15,93%. 4. Atyraý oblysynyń ákimdigi kelesi tarifterdi tómendetýdi josparlap otyr: PIK qyzmeti úshin — 4%; qoqys jinaý — 4%; lift qyzmeti — 5%. 5. Shyǵys Qazaqstan oblysynyń ákimdigi kelesi tarifterdi tómendetýdi josparlap otyr: PIK qyzmeti boiynsha — 8,3%; qoqys jinaý boiynsha qyzmetterge — 4,2%; kótergish qyzmetterge — 4,3%. 6. Jambyl oblysy ákimdigi kelesi tarifterdi tómendetýdi josparlap otyr: PIK qyzmeti úshin 20%; qoqys jinaý — 5%; lift qyzmetteri — 7,1%. 7. Batys Qazaqstan oblysynyń ákimdigi kelesi tarifterdi tómendetýdi josparlap otyr: PIK qyzmetteri — 5%; qoqys jinaý — 10%; lift qyzmetteri — 7%. 8. Qaraǵandy oblysynyń ákimdigi kelesi tarifterdi tómendetýdi josparlap otyr: PIK qyzmeti úshin 3% deiin; qoqys jinaý ortasha alǵanda 10%-ǵa deiin; lift qyzmetteri 5%-ǵa artty. 9. Qostanai oblysynyń ákimdigi jyldyń basynan bastap tarifterdi tómendetýdi josparlap otyr: PIK qyzmetteri úshin 3%-dan 8%-ǵa deiin; qoqys jinaý 5%-dan 10%-ǵa deiin; lift qyzmetteri 5% deiin. 10. Qyzylorda oblysynyń ákimdigi tarifti tómendetti: PIK qyzmeti úshin 5%; qoqys jinaý — 2% (lift qyzmetteri tegin). 11. Mańǵystaý oblysynyń ákimdigi tarifterdi tómendetýdi josparlap otyr: PIK qyzmetine 3-5%; qoqys jinaý — 5%; lift qyzmetteri — 3%. 12. Pavlodar oblysynyń ákimdigi tarifterdi tómendetýdi josparlap otyr: Pavlodar qalasy boiynsha: PIK qyzmeti boiynsha — 4,9%; qoqys jinaý — 5%; lift qyzmeti — 5,3%. Ekibastuz qalasynda: PIK qyzmeti úshin — 2,21%; qoqys jinaý — 5,04%; lift qyzmetteri — 9%. Aqsý qalasy: PIK qyzmeti úshin — 4%; qoqys jinaý — 24,7%; lift qyzmetteri — 13,6%. 13. Soltústik Qazaqstan oblysynyń ákimdigi kelesi tarifterdi tómendetýdi josparlap otyr: PIK qyzmeti úshin — 5%; qoqys jinaý — 5%; lift qyzmeti — 5%. 14. Túrkistan oblysynyń ákimdigi kelesi tarifterdi tómendetýdi josparlap otyr: PIK qyzmetteri úshin —10%; qoqys jinaý — 2,1% (jeke tulǵalar úshin) jáne 23,4% (zańdy tulǵalar úshin); lift qyzmetteri — 50%. 15. Astana qalasy ákimdigi kelesi tarifterdi tómendeýdi josparlap otyr: PIK qyzmetteri úshin — 5%; qoqys jinaý — 5%; abonenttik tólem úshin lift qyzmetteri — 5% jáne kartochkalyq júie boiynsha — 5,6%. 16. Almaty qalasy ákimdigi kelesi tarifterdi tómendetýdi josparlap otyr: lift qyzmetteri úshin — 8,5%; PIK-tiń qosymsha qyzmetterin túbirtekterden shyǵaryp tastaýyna bailanysty, qala turǵyndarynyń jalpy shyǵyndaryn 6%-ǵa tómendetti. 17. Shymkent qalasynyń ákimdigi kelesi tarifterdi tómendetýdi josparlap otyr: PIK qyzmeti úshin — 11%; qoqys jinaý — 12%; lift qyzmetteri — 10%.
