Foto: 2gis.kz
Premer-ministrdiń orynbasary – qarjy ministri Erulan Jamaýbaev Oral áýejaiynyń satylýy týraly qaýesetke pikir bildirdi, - dep habarlaidy Tengrinews.kz.
Úkimet kýlýarynda jýrnalister vitse-premerden Oral áýejaiynyń jai-kúiin surady. Jamaýbaev nysan senimgerlik basqarýda bolǵan dep jaýap berdi.
"Búgin tolyǵyraq aqparat beremiz. Men Memlekettik múlik jáne jekeshelendirý komitetine naqtylaýdy tapsyrdym. Sebebi áýejaidyń belgili bir bóligi jergilikti atqarýshy organ men "Aq Jaiyq" ÁKK-ge tiesili. Iaǵni, ol respýblikalyq menshikte emes. Respýblikalyq menshikte, meniń bilýimshe, tek ushý-qoný jolaǵy ǵana bar", - dep túsindirdi ol.
Ministrdiń aitýynsha, Qazaqstannyń strategiialyq nysandaryna beireziden ielik etpeidi. Al Oral áýejaiy senimgerlik basqarýda.
Sondai-aq, premer-ministrdiń orynbasary Altai Kólginov te áýejaidyń satylýyna qatysty pikir bildirdi. Onyń sózinshe, Oraldaǵy ushý-qoný jolaǵy biýdjet qarajaty esebinen jóndelgen.
"Odan keiin olar kúrdeli jóndeý, tipti áýejai terminalynyń jańa qurylysyn salý máselesin qolǵa aldy. Munyń bári memlekettiń qoldaýymen jasaldy. Al sizderdiń qazir qoiyp otyrǵanyńyz men úshin jańa suraq. Bul máseleni qadaǵalamaimyn, máseleni ákimdikpen talqylaý kerek.
Bul - memleket jóndegen strategiialyq nysandar, ol memleketke tiesili dep esepteimin. Biraq problemalar boldy, bul - nysan jáne ushý-qoný jolaǵy. Al terminal jeke menshikte edi. Biraq bul jeke investordy múlde investor dep ataýǵa bolmaidy. Jeke menshik iesi, ol ushý-qoný jolaǵyn da, terminaldy da jóndeýge bir tiyn salǵan joq, barlyǵyn memleket jasady", - dep jaýap berdi Kólginov.
