QR Premer-Ministri Asqar Maminniń tóraǵalyǵymen ótken QR Úkimetiniń selektorlyq otyrysynda 2015-2019 jyldarǵa arnalǵan «Nurly jol» infraqurylymdyq damý memlekettik baǵdarlamasyn iske asyrý barysy jáne 2020-2025 jyldarǵa arnalǵan jobasy qaraldy, dep habarlaidy "Ult aqparat" primeminister.kz saityna silteme jasap.
QR indýstriia jáne infraqurylymdyq damý ministri B. Atamqulov baiandama jasady, ol 2015-2019 jyldarǵa arnalǵan «Nurly jol» memlekettik baǵdarlamasy aiasynda sońǵy 5 jylda kólik salasyn damytýǵa shamamen 5,8 trln teńge baǵyttalǵanyn aitty.
Sonyń nátijesinde 400 myńnan astam jumys orny quryldy, JIÓ-degi kólik úlesi 8,3%-ǵa deiin ósti, eńbek ónimdiligi – 1,7 esege, konteinerlerdiń jalpy tranziti – jiyrma fýttyq balamada 271 myńnan 825 myń konteinerge deiin 3 ese, tranzitten túsetin kirister – 4,3 ese, 180 mlrd teńgeden 782,4 mlrd teńgege deiin, júk tasymaldary tranzitiniń kólemi bir jarym esege, 1,3 mln-nan 1,8 mln tonnaǵa deiin, tranzittik aviajolaýshylar sany 4 esege, shamamen 1 mln tranzittik jolaýshyǵa deiin artty.
3 myń shaqyrym respýblikalyq mańyzy bar avtomobil joldary salynyp, rekonstrýktsiialandy, 15 myń shaqyrym oblystyq jáne aýdandyq mańyzy bar avtomobil joldary jóndeldi, 1,4 myń shaqyrym jańa temir jol paidalanýǵa berildi, Oral, Petropavl, Almaty, Semei, Qostanai, Balqash áýejailarynda 6 ushý-qoný jolaǵy jańǵyrtyldy. Qytaimen shekaradaǵy terminaldardyń ótkizý qabileti jylyna 40 mln tonnaǵa deiin ulǵaityldy. Aqtaý portyn keńeitý jáne Quryq portynyń salynýy esebinen Kaspiidegi port infraqurylymynyń qýattylyǵy jylyna 17,5 mln-nan 27 mln tonnaǵa deiin ulǵaityldy. Injenerlik jelilerdiń uzyndyǵy 3,4 myń shaqyrymdy qurady. «Nurly jol» baǵdarlamasy júzege asyryla bastaǵannan beri ishki sý joldarymen júk tasymaldaý kólemi 86%-ǵa – 750 myń tonnadan 1,4 mln tonnaǵa deiin ósti, Ertis ózeni boiynsha ótpeli keme qatynasy qalpyna keltirildi jáne keme júzetin sý joldarynyń sapasy jaqsardy.
«Turaqty kóliktik-logistikalyq júie qalyptasty. Sonyń nátijesinde Qazaqstan Eýropa men Aziia arasyndaǵy transkontinentaldy kópirge ainaldy. Elbasynyń aimaqtyq kóliktik-logistikalyq hab qurý jáne elimizdiń tranzittik áleýetin damytý jónindegi mindetteri belsendi júzege asyrylý satysynda», — dedi A. Mamin.
2025 jylǵa deiingi jańa memlekettik baǵdarlamany qarjylandyrýdyń jalpy kólemi 6,598 trln teńgeni quraidy. Avtojol infraqurylymyn damytý aiasynda respýblikalyq jeliniń 10 myń shaqyrym jolyn rekonstrýktsiialaý jáne 11 myń shaqyrymyn jóndeý, 27 myń shaqyrym jergilikti jeli jolyn jóndeý josparlanǵan. Temir jol salasynda «Dostyq – Moiynty» ýchaskesin jańǵyrtý jáne «Moiynty – Aqtoǵai» ýchaskesin elektrlendirý kózdelgen. Shaǵyn áýe jelilerin damytý maqsatynda 16 aerodrom salý josparlanǵan.
Avtomobil kóligi salasyndaǵy ulttyq standartqa sáikestendirý maqsatynda shamamen 133 avtostantsiia/vokzal jáne jolaýshylarǵa qyzmet kórsetý pýnkterin salý jáne jańǵyrtý josparlanǵan.
Jalpy, «Nurly jol» jańa memlekettik baǵdarlamasyn iske asyrý 551 myń jumys ornyn qurýǵa múmkindik beredi, onyń 48,5 myńy – turaqty jáne 502,2 myńy – ýaqytsha, kólik salasynyń negizgi kapitalyna salynǵan investitsiialar kólemin 1,1-den 3,4 trln teńgege deiin 3 ese, temir jol kóligindegi tranzit kólemin – 18,1 mln-nan 26,9 mln tonnaǵa deiin, avtomobil kóligimen jylyna 1,6 mln-nan 3 mln tonnaǵa deiin ulǵaitýǵa jol ashady.
«Elbasy “Nur Otan” fraktsiiasynyń jaqynda ótken otyrysynda atap ótkendei, “Nurly jol” baǵdarlamasynyń jańa bes jyldyǵy - elimizdiń kólik infraqurylymy men tranzittik áleýetin odan ári damytýǵa baǵyttalǵan negizgi memlekettik baǵdarlamalardyń biri», — dedi A. Mamin.
