«Ekonomikany turaqtandyrý jónindegi odan arǵy sharalar týraly» QR Prezidenttiń Jarlyǵyn salyq salý máseleleri boiynsha iske asyrý jónindegi sharalar týraly QR Úkimeti qaýly qabyldady, dep habarlaidy "Ult aqparat" primeminister.kz-ke silteme jasap.
***
Qazaqstan Respýblikasy Úkimetiniń 2020 jylǵy 20 sáýirdegi №224 Qaýlysy
«Ekonomikany turaqtandyrý jónindegi odan arǵy sharalar týraly» Qazaqstan Respýblikasy Prezidentiniń 2020 jylǵy 16 naýryzdaǵy № 287 Jarlyǵyn salyq salý máseleleri boiynsha iske asyrý jónindegi odan arǵy sharalar týraly
«Ekonomikany turaqtandyrý jónindegi odan arǵy sharalar týraly» Qazaqstan Respýblikasy Prezidentiniń 2020 jylǵy 16 naýryzdaǵy № 287 Jarlyǵyna sáikes Qazaqstan Respýblikasynyń Úkimeti QAÝLY ETEDI:
1. Mynadai salyqtar men áleýmettik tólemderdiń:
- tólem kózinen ustalatyn jeke tabys salyǵynyń;
- jeke praktikamen ainalysatyn tulǵa derbes tóleitin jeke tabys salyǵynyń;
- dara kásipkerdiń ózi úshin tóleitinderin qospaǵanda, áleýmettik salyqtyń, mindetti zeinetaqy jarnalarynyń, mindetti kásiptik zeinetaqy jarnalarynyń, áleýmettik aýdarymdardyń, mindetti áleýmettik meditsinalyq saqtandyrýǵa jarnalar men aýdarymdardyń mólsherlemelerine «0» koeffitsienti belgilensin.
Osy tarmaqtyń erejeleri mynadai salyq tóleýshiler men olardyń jumyskerlerine qatysty qoldanylady:
- mindettemeleri boiynsha tóleý (aýdarý) merzimi 2020 jylǵy 1 sáýirden bastap 1 qazanǵa deiingi kezeńde bastalatyn jeke praktikamen ainalysatyn tulǵalar jáne osy qaýlyǵa 1-qosymshaǵa sáikes qyzmet túrleriniń tizbesi boiynsha qyzmetin júzege asyratyn mikro, shaǵyn nemese orta kásipkerlik sýbektileri;
- mindettemeleri boiynsha tóleý (aýdarý) merzimi 2020 jylǵy 1 sáýirden bastap 1 shildege deiingi kezeńde bastalatyn, osy qaýlyǵa 2-qosymshaǵa sáikes qyzmet túrleriniń tizbesi boiynsha qyzmetin júzege asyratyn iri kásipkerlik sýbektileri.
2. 2020 jylǵy 1 sáýirden bastap 2020 jylǵy 1 qazanǵa deiingi kezeńde:
- áýe ailaqtaryndaǵy ushý-qoný jolaqtary men áýejailardyń terminaldary boiynsha;
- jeke praktikamen ainalysatyn tulǵalardyń múlik salyǵynyń mólsherlemelerine «0» koeffitsienti belgilensin.
3. Áýe jolaýshylar kóligi qyzmetimen ainalysatyn Qazaqstan Respýblikasynyń rezidentteri-salyq tóleýshilerge tehnikalyq qyzmet kórsetý jáne áýe kemeleri lizinginiń mámilelerin zańdyq súiemeldeý boiynsha rezident emes úshin eseptelgen qosylǵan qun salyǵyn tóleý boiynsha 2021 jylǵy 1 qańtarǵa deiin keiinge qaldyrý berilsin.
Bul rette eseptelgen qosylǵan qun salyǵynyń somasy 2021 jylǵy
1 qańtarǵa deiin biýdjetke tólengen jaǵdaida atalǵan salyq tóleýshiler rezident emes úshin eseptelgen qosylǵan qun salyǵynyń somasyn rezident emesten osyndai jumystardy, kórsetiletin qyzmetterdi satyp alý salyq salynatyn ainalym dep tanylǵan salyq kezeńinde esepke jatqyzady.
4. «COVID-19 koronavirýsymen kúres sheńberinde epidemiiaǵa qarsy is-sharalarǵa qatysatyn densaýlyq saqtaý uiymdarynyń qyzmetkerlerin qarjylyq qoldaýdyń keibir máseleleri týraly» Qazaqstan Respýblikasy Densaýlyq saqtaý ministriniń 2020 jylǵy 4 sáýirdegi № 28/2020 buiryǵyna sáikes 2020 jylǵy 1 naýryzdan bastap tólenetin epidemiiaǵa qarsy
is-sharalarǵa tartylǵan qyzmetkerlerdiń ústemeaqylary tólem kózinen ustalatyn jeke tabys salyǵynyń, áleýmettik salyqtyń, mindetti zeinetaqy jarnalarynyń, mindetti kásiptik zeinetaqy jarnalarynyń, áleýmettik aýdarymdardyń, jarnalardyń jáne mindetti áleýmettik meditsinalyq saqtandyrýǵa aýdarymdardyń obektileri bolyp tabylmaidy dep belgilensin.
5. 2019 jylǵy mindettemeler boiynsha salyq eseptiligi nysandaryn tapsyrý merzimi 2020 jylǵy 31 naýryzdan 2020 jylǵy 31 mamyrǵa aýystyrylsyn.
6. Osy qaýly 2020 jylǵy 1 naýryzdan bastap qoldanysqa engiziletin 4 jáne 5-tarmaqtardy qospaǵanda, 2020 jylǵy 1 sáýirden bastap qoldanysqa engiziledi jáne resmi jariialanýǵa tiis.
Qazaqstan Respýblikasynyń
Premer-Ministri A. Mamin
