Úkimet komissiiasynyń músheleri jańaózendik belsendi bastamashyl toppen kelissóz júrgizdi, dep habarlaidy "Ult aqparat" primeminister.kz-ke silteme jasap.
Kezdesýde ózekti máseleler, sonyń ishinde suiytylǵan gaz baǵasyn tómendetý týraly aityldy. Qatysýshylar jaǵdaidy retteý múmkindigin talqylady.
Aita keteiik, komissiia Memleket basshysy Qasym-Jomart Toqaevtyń tapsyrmasymen qurylǵan bolatyn. Búgin Premer-ministr orynbasary Eraly Toǵjanovtyń tóraǵalyǵymen otyrys ótip, oǵan Prezident Ákimshiliginiń, Energetika ministrliginiń, Básekelestikti qorǵaý jáne damytý agenttiginiń, jergilikti atqarýshy organdardyń, "QazMunaiGaz" UK AQ jáne basqa da múddeli taraptardyń ókilderi qatysty.
Eske salaiyq, Jańaózen men Aqtaýdyń myńdaǵan turǵyny jańa jyldan keiin baǵasy kúrt sharyqtap ketken suiytylǵan gaz baǵasyn túsirýdi talap etip, kóshege shyqqan bolatyn. Olar joldardy jaýyp tastaǵan.
Qazaqstan Prezidenti Qasym-Jomart Toqaev Úkimetke tiisti tapsyrma berdi. Óńirdegi janar-jaǵarmai quiý beketteriniń qojaiyndary óz bastamasymen gaz litrin 120 teńgeden 85-90 teńgege deiin arzandatý týraly sheshim shyǵarǵan.
