QR Saýda jáne integratsiia ministri Baqyt Sultanov qai jaǵdaida Úkimet azyq-túlikke shekti baǵany belgileitinin aitty, dep habarlaidy QazAqparat.
«Erekshe jaǵdailarda májbúrli túrde naryqqa aralasýdyń ákimshilik tetigi bar, iaǵni shekti baǵany belgileý eskerilgen. Bul qadamǵa pandemiia bastalǵanda ótken jyly barýǵa májbúr boldyq. Ol kezde dúrbeleń tolqynymen barsha álemde baǵa sharyqtap ketti. Sondyqtan tiisti is-sharalar nátijesin berdi, biz ishki naryqty azyq-túlikpen qamtamasyz ete aldyq, tapshylyq bolmady», - dedi onlain rejimde halyq aldynda esep berýi kezinde Baqyt Sultanov.
Onyń aitýynsha, vaktsinalaý arqasynda Qazaqstanda jáne álem elderinde ekonomikalyq belsendilik birtindep qalpyna kelip jatyr.
«Endigi basty maqsat – naryqtyń durys básekelestik pen teńgerimdi baǵa qalyptasý tuǵyryna qaita oralýy. Barsha protsestiń ashyqtyǵy zamanaýi saýda infraqurylymyn qurý arqyly qamtamasyz etiledi», - dedi Saýda ministr.
