Búgin Úkimet otyrysynda Qaýipsiz eńbek jaǵdailaryn qamtamasyz etýdiń 2025 jylǵa deiingi is-qimyl josparyn bekitý týraly qaýly qabyldandy, dep habarlaidy "Ult aqparat".
«Búgin biz Qaýipsiz eńbek jaǵdailaryn qamtamasyz etýdiń 2025 jylǵa deiingi is-qimyl josparyn bekitý týraly qaýly qabyldaimyz. Ony iske asyrý nátijesinde jazataiym oqiǵalardyń jiiligi koeffitsientiniń azaiýy, ziiandy eńbek jaǵdailarynda jumys isteitin jumysshylar úlesiniń azaiýy kútiledi», - dedi Asqar Mamin.
Úkimet basshysynyń atap ótýinshe, qazirdiń ózinde Qostanai jáne Pavlodar oblystarynda óndiristik jaraqattaný deńgeiiniń azaiýy boiynsha oń dinamika baiqalyp otyr.
«Basqa óńirler osy baǵyttaǵy jumysty jandandyrýy tiis. Taý-ken metallýrgiia keshenderi men qurylys salasyndaǵy kásiporyndarda erekshe kóńil bólý qajet», - dedi Premer-Ministr Asqar Mamin.
